17-уми январи соли ҷорӣ дар доираи нақшаи тасдиқгардидаи Раёсати Хадамоти муҳоҷират дар вилояти Суғд инчунин мақомоти иҷроияи ҳокимияти давлатии ноҳияи Ашт ва дастури Раиси ноҳияи бо афсарон ва сарбозони қисми ҳарбии 0216-и Кушунҳои сарҳадии КДАМ ва қисми ҳарбии 14356Б Вазорати мудофиаи Ҷумҳурии Тоҷикистон дар ноҳияи Ашт доир ба мавзӯи “Пешгирии шомилшавии ҷавонон ба ҳизбу ҳаракатҳои номатлуб ва мубориза алайҳи терроризм ва экстремизм” баромад намуданд.

Дар вохӯрии мазкур мудири бахши Хадамоти муҳоҷират дар ноҳияи Ашт оид ба муҳоҷирати бехатар ва муқовимат ба савдои одамон, пешгирии шомилшавии ҷавонон ба ҳизбу ҳаракатҳои номатлуб ва мубориза алайҳи терроризм ва экстремизм баромад намуд.

Аз ҷумла қайд кард, ки дар ҷаҳони имрӯз дар баробари терроризму эстремизм, сепаратизим, гардиши ғайриқонунии маводи мухадир ва дигар таҳдидҳои геополитикӣ савдои одамон низ мушкилоти нигаронкунанда мебошад.

Масъалаҳои марбут ба савдои одамон дар шароити имрӯза таҳти таваҷҷуҳи ҷиддии ҷомеаи ҷаҳонӣ қарор дорад, зеро он ҳамчун зуҳуроти манфӣ ба паҳлуҳои гуногуни ҳаёти ҷомеаи инсонӣ зарари ҷуброннопазир мерасонад.

Савдои одамон дар миқёси байналмиллалӣ ҳамчун ҷинояти вазнин ва поймолкунандаи ҳуқуқу озодиҳои инсон эътироф шудааст.

Гурӯҳҳо ва ташкилотҳои муташаккили ҷинояткор бо мақсади роҳандозии ҳадафҳои ҷинояткорона ба савдои одамон даст зада, нафарони зиёдро бо ҳавасмандкунии молиявӣ, ҷалб намудан ба меҳнат ва музди маоши баланд дар давлатҳои хориҷӣ фирефта карда, ҳадафҳои нопоки худро амалӣ менамоянд.

Дар фарҷоми вохӯриҳо аз номи роҳбарияти Хадамоти муҳоҷират ва мақомоти иҷроияи ҳокимияти давлатии ноҳияи Ашт ба сарбозони қисмҳои ҳарбӣ тӯҳфаҳои хотиравӣ супорида шуд.

Иброз гардид, ки минбаъд чунин вохӯриҳои судманд бо афсарон ва сарбозони қисмҳои ҳарбии дар ноҳияи Ашт буда, баргузор хоҳад гардид.

Бахши Хадамоти муҳоҷират дар ноҳияи Ашт