Бахши Хадамоти муҳоҷират дар шаҳри Конибодом дар якҷоягӣ бо намояндагони мақомоти иҷроияи ҳокимияти давлатии шаҳр ва КИ ҲХДТ дар Ҷамоати деҳоти Патар бо шаҳрвандон, аз ҷумла муҳоҷирони ба Ватан баргашта ва аъзои оилаи онҳо вобаста ба ворид гардидани тағйироту иловаҳо ба қонунгузории нави Федератсияи Россия дар самти муҳоҷирати меҳнатӣ вохӯрии судманд баргузор намуданд.
Зимни суҳбат бо шаҳрвандон мутахассиси бахши Хадамоти муҳоҷират дар шаҳри Конибодом Фарзона Толибова баромад намуда, оид ба талаботҳои нави қонунгузории Федератсияи Россия дар самти муҳоҷирати меҳнатӣ, тартиб ва мақсади воридшавӣ, дар мӯҳлати муқарраргардида ҷамъоварӣ ва пешниҳод намудани маводи зарурӣ ба ВКД ФР оид ба муҳоҷирати минтақавӣ, гирифтани Патент, қайди муваққатӣ ва риояи муҳлати будубоши муваққатии шаҳрвандони хориҷӣ ва ба вуҷуд омадани мушкилиҳои эҳтимолӣ барои шаҳрвандони Ҷумҳурии Тоҷикистон, ки хоҳиши фаъолияти меҳнатиро дар қаламрави Федератсияи Россия доранд, шинос намуда роҳҳои ҳалли онро низ ба онҳо ба таври содда фаҳмонда дода, ба саволҳои ҳозирин ҷавобҳои қаноатбахш доданд.
Бояд қайд кард, ки гузаронидани чунин вохӯриву мулоқотҳо дар ҳама Ҷамоату деҳоти шаҳри Конибодом мунтазам идома дода мешавад.
Бахши Хадамоти муҳоҷират дар шаҳри Конибодом
