Бо ташаббуси шуъбаи Хадамоти муҳоҷират дар шаҳри Панҷакент дар масчиди ҷомеаи Ҷамоати деҳоти Суҷина вохӯрӣ ҷиҳати корҳои таблиғоти ва иттилоотӣ байни аҳолии ҷамоат гузаронида шуд.
Дар рафти мулоқот сармутахассиси шуъбаи Хадамоти муҳоҷират дар шаҳри Панҷакент Муқумов А., вобаста ба пешгирии шомилшавии ҷавонон аз гурӯҳҳои тундрав баромад намуда қайд намуд, ки имрӯз дар марҳилаи нави рушди ҷомеа яке аз масъалаҳои муҳиму умдаи рӯз ин тақвият бахшидани ҳифзи истиқлолияти давлатӣ, пойдор нигоҳ доштани Ваҳдати миллӣ ва таъмини сулҳу субот дар кишвар аст ва ин амалҳои созанда рисолати аввалиндараҷаи ҳар як сокини сарбаланду садоқатпешаи Тоҷикистони азиз мебошад.
Мутаассифона, дар роҳи чунин амалҳои созанда ва таъмини ояндаи дурахшони мамлакати азизамон мушкилиҳои муайян мавҷуданд.
Аз он ҷумла, дар шароити муосир мубориза ба муқобили чунин падидаҳои ифротӣ ба монанди терроризм ва экстремизм ба зарурати воқеӣ табдил ёфтааст.
Бояд қайд кард, ки шуъбаи Хадамоти муҳоҷират дар шаҳри Панҷакент минбаъд низ ҷиҳати гузаронидани корҳои иттилоотӣ -маърифатӣ фаъолияти худро хубтару беҳтар менамояд.
Шуъбаи Хадамоти муҳоҷират дар шаҳри Панҷакент
