15 январи соли равон бо ибтикори МД «Марказҳои машваратӣ ва омодагии пеш аз сафари муҳоҷирони меҳнатӣ» дар шаҳри Душанбе дар ҳамбастагӣ бо МД «Маркази ҷумҳуриявии пешгирӣ ва мубориза бар зидди бемории ВНМО» вохӯрии судманд бо шаҳрвандони ҷумҳурӣ, ки ба кишвари Кореяи Ҷанубӣ барои фаъолияти меҳнатӣ омодагӣ мебинанд, баргузор гардид.
Зимни баромад намояндаи МД «Маркази ҷумҳуриявии пешгирӣ ва мубориза бар зидди бемории ВНМО» оид ба бемории сил суханронӣ карда, иброз дошт, ки шахс аз вируси норасоии масунияти одам асосан ба воситаи хун ба хун, аз шири модар ба кӯдак (албатта, модари гирифтори ВНМО) ва алоқаи ҷинсӣ сироят меёбад.
Паҳнкунандаи ин вирус гурӯҳи осебпазир, яъне нашъамандони тазриқӣ, мардони ҳамҷинсгаро ва муҳоҷирон мебошанд.
Ҳамзамон қайд карда шуд, ки бемори мубталои ВНМО парҳез аз ягон ғизо надорад.
Танҳо худдорӣ аз алоқаи ҷинсии номатлуб, аз машрубот ва нашъамандӣ, ки ба инсони солим ҳам ин амалҳо раво нест, аз онҳо тақозо мешавад.
Таъкид карда шуд, ки пеш аз сафар ба муҳоҷирати меҳнатӣ ба кишвари хориҷа ҳар як шаҳрванди мамлакат бояд оилаи худ, падару модари худро фикр кунаду аз ҳар гуна рафторҳои ношоям канораҷӯӣ намояд.
Дар фарҷоми ҷамъомад, байни иштирокчиён ва корманди маркази пешгирии ВНМО суолу ҷавоб сурат гирифт.
Маркази матуботи Хадамоти муҳоҷират
