Кормандолни масъули МД “Марказҳои машварати ва омодагии пеш аз сафари муҳоҷирони меҳнатӣ” дар шаҳри Душанбе вохӯриву мулоқоти навбатиро бо сокинони маҳаллаҳои ноҳияи Синои пойтахт доир намуд.
Зимни вохӯрӣ ба ҳозирин мухтассар дар бораи фаъолияти Марказ маълумот пешниҳод карда шуд. Аз ҷумла, ба сокинони маҳаллаҳо гуфта шуд, ки Марказ муассисаи машваратӣ буда, фаъолияташро дар самти ташкилу расонидани машварат, омодасозии шаҳрвандони ҷумҳурӣ барои фаъолияти меҳнатӣ дар хориҷи кишвар ба роҳ мемонад.
Ҳадафи асосии Марказ – ин расонидани ёрии амалӣ тавассути курсҳои машваратию таълимӣ ба муҳоҷирони ватанӣ дар ду марҳилаи муҳоҷирати меҳнатӣ гузаронида мешавад: инҳо пеш аз сафар – ташкили бақайдгирӣ, омӯзондани забон, таърих, ойин, фарҳанг ва қонунгузории давлатҳои қабулкунанда, инчунин касбҳои зарурӣ, ҳамкорӣ бо литсейҳои касбӣ-техникии ҷумҳуриявӣ ва ҷалби муташаккилонаи муҳоҷирони меҳнатӣ барои пешбурди фаъолияти меҳнатӣ дар хориҷи кишвар ва мусоидат барои бо кор таъмин намудани муҳоҷирони меҳнатии бозгашта ва воридашон манъшуда дохили кишвар мебошад.
Ба ғайр аз ин, ба ҷамъомадагон фаҳмонида шуд, ки дар доираи ҷалби муташакилонаи муҳоҷирони меҳнатии Ҷумҳурии Тоҷикистон ба корхонаҳои Федератсияи Русия созишнома баста шудааст, ки мувофиқи он имтиҳони комплексӣ аз муҳоҷирони меҳнатӣ –шаҳрвандони ҷумҳурӣ тариқи Skaype дар низоми «online» дар бинои Марказ дар шаҳри Душанбе қабул карда мешавад. Баъди супоридани имтиҳон Сертификати номбурда ба муҳоҷирони меҳнатӣ дар шаҳри Душанбе пешниҳод карда мешавад. Ҳамзамон омӯзиши муҳоҷирони меҳнатӣ ва омодагии муҳоҷирони меҳнатӣ-шаҳрвандони мамлакат пеш аз сафар ба хориҷи кишвар аз ҷониби Марказ ройгон ба роҳ монда шудааст.
Айни замон Марказ омодааст, як гурӯҳ шаҳрвандони мамлакатро, ки соҳибкасбанд бо ҷойи кор дар Федератсияи Россия таъмин намояд. Инҳо, ҶДММ “Полати”, ҶДММ “АлмакорГрупп” ва ҶДММ “БиФреш” мебошанд.
Ба маълумоти шаҳрвандон расониданием, ки ширкатҳои болозикр метавонанд сокинони мамлакатро бо шароити хуби корӣ, маоши хуб, ҷойи зисти ройгон ва роҳкиро аз ҳисоби кордиҳанда таъмин намоянд.
Инчунин, шаҳрвандони мо метавонанд бо ширкатҳои хориҷие, ки бо Марказ Созишномаи ҳамкорӣ баста шудааст, барои фаъолияти меҳнатӣ дар кишвари хориҷа муроҷиат намоянд. Шахсоне, ки ба ин Марказ муроҷиат мекунанд, тариқи шабакаи Интернет бо корфармо суҳбат гузаронида, бо шарту шароити кор, музди меҳнат, зист ва таъмини иҷтимоӣ шиносоӣ пайдо мекунад.
Шаҳрвандоне, ки нияти кор карданро доранд ба суроғаи МД «Марказҳои машваратӣ ва омодагии пеш аз сафари муҳоҷирони меҳнатӣ» воқеъ дар кӯчаи Айнӣ 121, шаҳри Душанбе, Хадамоти муҳоҷират бо телефонҳои: +992 37 22 25 05 75, +992 37 22 25 08 33 дар тамос бошанд.
Чунин вохӯриву мулоқотҳои судманд бо сокинони маҳаллаҳо дар дигар ноҳияҳои шаҳри Душанбе низ баргузор мегарданд.
Маркази матбуоти Хадамоти муҳоҷират
