Кормандони шуъбаи Хадамоти муҳоҷират дар шаҳри Бохтар бо сокинони шаҳр вохӯриву суҳбатҳо дар атрофи қонунгузории нави Федератсияи Россия дар самти муҳоҷират баргузор намуд.

Ҳангоми вохӯрӣ бо сокинони шаҳр ёдоштҳо оид ба қонунгузории нави Федератсияи Россия дар самти муҳоҷират, донистани забони давлати қабулкунанда, касб, урфу оини онҳо сӯҳбатҳо ороста шуд.

Бояд тазаккур дод, ки кормандони Шуъба ҳамарӯза ба шаҳрвандон муҳоҷирони – меҳнатӣ оид ба ҳолатҳои будубош, касбомӯзӣ, забондонӣ ва дигар самтҳои муҳоҷирати меҳнатӣ вохӯриҳо ва пурсишҳо мегузаронанд.

Дар ҷараёни он бо сокинон бештар оид ба доштани касбу ихтисос ва забондонии онҳо таваҷҷуҳ зоҳир карда мешавад.

Инчунин, ба ҳозирин оид ба навовариҳо дар қонунгузории Федератсияи Россия роҷеъ ба муҳоҷирати меҳнатӣ, аз ҷумла будубош дар ин кишвар, тарзи гирифтани Патент, иҷозаи кор, қайди муваққатӣ маълумотҳо пешниҳод намуданд.

Дар фарҷом ба сокинони шаҳр, ки азми сафари кишвари хориҷа доштанд, буклетҳо доир ба қонунгузории нави Федератсияи Россия дар самти муҳоҷират ва пешгирӣ шомилшавии ҷавонон ба ҳизбу ҳаракатҳои ифротӣ дастрас гардид.

Ҳамзамон дар МД “Марказҳои машваратӣ ва омодагии пеш аз сафари муҳоҷирони меҳнатӣ” дар шаҳри Бохтар корҳои фаҳмондадиҳӣ барои шаҳрвандоне, ки ба Англия барои фаъолияти меҳнатӣ сафарбар мешаванд, гузаронида шуд.

Дар суҳбат директори Марказ Баҳриддини Абос иброз намуд, ки дар МД «Марказҳои машваратӣ ва омодагии пеш аз сафари муҳоҷирони меҳнатӣ»-и Хадамоти муҳоҷират дар шаҳри Бохтар дарси омӯзишӣ забони англисӣ оғоз гардид.

Айни замон шаҳрвандони номнавис шуда аз забони англисӣ дарс меомӯзанд.

Бояд қайд кард, ки омӯзгорон аз Марказҳои омӯзиши забонҳои хориҷӣ дар шаҳри Бохтар даъват шудаанд.

Мақсад аз баргузории ин дарсҳо пеш аз ҳама шаҳрвандони мо бояд забони англисиро дар сатҳи муошират омӯзанд, инчунин омода намудани онҳо барои фаъолияти меҳнатӣ дар Британияи Кабир мебошад.

Дар рафти мубоҳиса ва саволу ҷавоби озод ба иштирокчиён маводҳои иттилоотӣ дастрас гардонида шуд.

Шуъбаи Хадамоти муҳоҷират дар шаҳри Бохтар