Вохӯриву суҳбатҳо бо муҳоҷирони меҳнатӣ дар Фурудгоҳҳои шаҳри Душанбе, Бохтар, Хуҷанд ва Кӯлоб дар мавзӯи омодагӣ пеш аз сафар, пешгирии ҳодисаҳои пайвастани ҷавонон ба ҳизбу ҳаракатҳои террористию экстремистӣ, одамрабоӣ ва донистани қонунҳои нави Федератсияи Россия дар самти муҳоҷират, идома дорад.
Бояд тазаккур дод, ки вобаста ба вазъи омаду рафти муҳоҷирони меҳнатӣ-шаҳрвандони ҷумҳурӣ ба Федератсияи Россия дар “Фурудгоҳи байналмилалии шаҳри Душанбе” корҳои фаҳмондадиҳӣ аз ҷониби кормандони масъули дастгоҳи марказии Хадамоти муҳоҷират ва Раёсати Хадамоти муҳоҷират дар шаҳри Душанбе, ҷоннок карда шудааст.
Дар рафти суҳбату вохӯриҳо бо шаҳрвандони ҷумҳурӣ, тавсия дода мешавад, ки ҳар як муҳоҷири меҳнатӣ пеш аз ҳама бояд аз қонунҳои Федератсияи Россия дар самти муҳоҷирати меҳнатӣ ҳангоми будубош ё давраи фаъолияти корї дар қаламрави ин кишвар огоҳ бошанд.
Ҳамзамон, ба диққати шаҳрвандони Ҷумҳурии Тоҷикистон расонида мешавад, ки ба қонунҳои федералӣ оид ба будубоши шаҳрвадони хориҷӣ дар Федератсияи Россия тағйиру иловаҳо ворид гардида, аз 5 феврали соли 2025 эътибори қонунӣ пайдо мекунанд.
Вазорати корҳои дохилии Федератсияи Россия низоми махсуси ихроҷ (депортатсия) -ро ҷорӣ намуда, ба “рӯйхати шахсони назоратшаванда” зиёда аз 120 ҳазор шаҳрванди Ҷумҳурии Тоҷикистон ҳамчун қонунвайронкунанда ба қайд гирифта шудаанд.
Шаҳрвандоне, ки дар рӯйхат қарор доранд, бояд худро то 5 феврали соли 2025 ба мақомоти дахлдори муҳоҷирати ФР муроҷиат намуда, ба қайди қонунӣ гиранд ё қаламрави ин давлатро тарк намоянд.
Дар сурати дар муҳлати муайяншуда ба қайди қонунӣ нагирифтан шаҳрванд ба рӯйхати шахсони ихроҷшаванда (депортатсия) ворид гардида, ҳуқуқи рафтан ба ин давлатро аз даст медиҳанд.
Агар шаҳрвандоне, ки дар руйхати мазкур қарор дошта бошанд ва ФР-ро бо хоҳиши худ тарк кардаанд, ихроҷ (депортатсия) шудаанд ё дар қаламрави Тоҷикистон ё дигар давлат қарор дошта бошанд, нусхаи шиносномаи хориҷии худро бо нишон додани муҳри убури сарҳад бо мақсади аз рӯйхати мазкур баровардан ба мақомоти муҳоҷирати ҷойи зисти худ дар шаҳру ноҳияҳои ҷумҳурӣ пешниҳод намоянд.
Агар шумо дорои душаҳрвандӣ Ҷумҳурии Тоҷикистон ва Федератсияи Россия бошед ё қонунӣ фаъолияти меҳнати менамоед ва дар рӯйхат қарор доред, ҳатман нусхаи шиносномаи худро ба Намояндагии Вазорати меҳнат, муҳоҷират ва шуғли аҳолӣ Ҷумҳурии Тоҷикистон дар ФР оид ба муҳоҷират пешниҳод намоед.
Шаҳрвандоне, ки дар қаламрави ФР қарор доранд, метавонанд ба Намояндагии Вазорати меҳнат, муҳоҷират ва шуғли аҳолӣ дар ФР оид ба муҳоҷират тавассути телефонҳои дар зер нишон дода шуда, муроҷиат намоянд.
Барои муайян намудани вазъи ҳуқуқии худ аз сомонаҳои расмии Вазорати меҳнат, муҳоҷират ва шуғли аҳолии Ҷумҳурии Тоҷикистон mehnat.tj, саҳифаи телеграм t.me/mlmert, Хадамоти муҳоҷират migration.tj, Намояндагии Вазорат дар ФР оид ба муҳоҷират tajmigration.ru ва Вазорати корҳои дохилии Ҷумҳурии Тоҷикистон vkd.tj истифода намоед.
Телефон барои маълумот:
Вазорати меҳнат, муҳоҷират ва шуғли аҳолӣ: 250-32-40; 250-32-09; 250-32-42,
Хадамоти муҳоҷират: 225-05-95; 225-05-89; 225-05-77.
Вазорати корҳои дохилӣ: 227-86-31; 221-98-12; 938762626; 939220684.
Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия:
Минтақаи марказӣ (вилояти Москва)
1. Азимӣ Дилрабо Амиркул + 7 (495) 967-98-44 prmstj@mail.ru
2, Вализода Назарали Нурали +7 (967) 271-02-02 prmstj@mail.ru
3. Холназаров Ромиш Имомназарович +7 (929) 540-88-88 prmstj@mail.ru
4. Зарифов Бахтиёр Тугайевич +7 (495) 967-98-44 .prmstj@mail.ru
5. Дустов Комрон Сайдахмадович+7 (988) 676-00-00 prmstj@mail.ru
6. Амирхонзода Субхон Бахрон +7 (966) 031-22-22 prmstj@mail.ru
7. Холов Довар Мирзоёрович +7 (936) 174-19-92 prmstj@mail.ru
Минтақаи Урал
Минтақаи Сибир
Юсуфалиев Баҳром Равшанхонович+7(929) 388-54-11 bahrom.yusufaliev1972@mail.ru
Минтақаи Приволжск
Курбонализода Зафар Курбонали +7 (926) 311-52-53 zafarmuhojirat@mail.ru
Минтақаи шимолу ғарбӣ (Санкт-Петербург)
Джонмахмадов Фурузон Фархудинович
+7 (977) 963-25-69 jonmahmadovfuruzon@gmail.com
Минтақаи Ҷануб (Краснодар)
Мирзозода Хуршед Насриддин +7 (996) 120-77-77 hursedm129@gmail.com
Инчунин, қайд гардид, ки ҳангоми сафар ҳуҷҷатҳои зарурӣ аз қабили шиносномаи тиббӣ, оиди надоштани бемориҳои сироятӣ, надоштани доғи судӣ ва ҳуҷати касбиро ҳатман бо худ гирифтан зарур аст.
Пеш аз сафар ба шуъбаю бахшњо ва раёсатҳои Хадамоти муҳоҷират дар ҷойи зист муроҷиат намуда, бори дигар вуруди худро ба Федератсияи Россия муайян намуда, баъдан азми сафар намоед.
Дар анҷоми суҳбату вохуриҳо ба саволҳои сершумори муҳоҷирон ҷавобҳои қаноатбахш дода шуда, ба онҳо маводҳои таблиғотӣ ва буклетҳои роҳнамоӣ ҳангоми сафар, оиди: Тундгаро, экстремист ва террорист киҳоянд ва чаро онро бояд донист? Дар кадом ҳолатҳо шахс ба ҷавобгарӣ кашида мешавад.? тақсим гардида, ба нафароне, ки аз сафар баргаштанд барои дарёфти кори муносиб бо маоши арзанда ба ширкатҳои азими ватанӣ тавсияҳои муфид дода шуд.
Маркази матбуоти Хадамоти муҳоҷират
