Имрӯз вобаста ба вазъи мураккаби сиёсиву иҷтимоии ҷаҳони имрӯз, афзоиш ёфтани хатару таҳдид ба мафкураи ҷомеа ва ҷиҳати расидан ба ҳадафҳои олии давлатдорӣ ва таъмини иштироки фаъолонаи аҳли ҷомеа дар раванди созандагию бунёдкорӣ бо сокинони маҳаллаи 1-уми ҷамоати шаҳраки Баҳманруд бо иштироки аъзои гурӯҳи кории Мақомоти иҷроияи ҳокимияти давлатии ноҳияи Темурмалик доир гардид.
Дар мулоқот баромадкунандагон вобаста ба Паёми Пешвои миллат “Дар бораи самтҳои асосии сиёсати дохилию хориҷии ҷумҳурӣ” барои солҳои оянда муайян гардида, оид ба пешбурди соҳаҳои ҳаётан муҳими мамлакат, аз ҷумла иқтисоду саноат, энергетика, амнияту мудофиа, роҳу нақлиёт, ҳифзи ҳуқуқу тартибот, муҳоҷирати бехатар, илму маориф, фарҳанг, тандурустӣ, ҳифзи иҷтимоии аҳолӣ, мақому манзалати занон, сиёсати ҷавонон ва варзиш, сайёҳӣ, баланд бардоштани сатҳу сифати зиндагии сокинони мамлакат, таъмини сулҳу субот дар ҷомеа, ба роҳ мондани муносибатҳои нек ва судманд бо кишварҳои ҳамсоя ва боло рафтани нуфузи Тоҷикистон дар арсаи байналмилалӣ андешаронӣ намуданд.
Инчунин, оид ба татбиқи “Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025”, Қонунҳои Ҷумҳурии Тоҷикистон “Дар бораи тарбияи ватандӯстии шаҳрвандон”, “ Дар бораи муҳоҷират”, “Дар бораи танзими ҷашну маросим дар Ҷумҳурии Тоҷикистон”, “Дар бораи масъулият барои таълиму тарбияи кӯдак”, таълиму тарбияи наврасону ҷавонон, тарбияи ватандӯстии ҷавонон, пешгирии шомилшавии ҷавонон ба ҳизбу ҳаракатҳои тундрав, даъвати ҷавонон ба сафи Қувваҳои мусаллаҳи Ҷумҳурии Тоҷикистон ва дигар мавзӯъҳои муҳими рӯз, изҳори назар карда шуд.
Ҳамзамон, баромадкунандагон аҳамияти сарфакорона ва самараноки истифода бурдани нерӯи барқро таъкид карданд. Мавриди зикр қарор гирифт, ки истифодаи оқилонаи захираҳои энергетикӣ на танҳо масъулияти шаҳрвандӣ, балки амали муҳими ватандӯстона низ маҳсуб мешавад.
Инчунин, бо нигаронӣ зикр гардид, ки имрӯз ҷавонон дар ҳолатҳои муайян зери таъсири таблиғоти ҳизбу ҳаракатҳои ифротӣ қарор мегиранд. Бинобар ин, дар ҷараёни мулоқот пешгирии шомилшавии ҷавонон ба гурӯҳҳои ифротгаро ва тундгаро, баланд бардоштани сатҳи огоҳӣ ва масъулияти падару модарон, омӯзгорон ва худи ҷавонон мавриди таъкид қарор гирифт.
Намояндаи бахши Хадамоти муҳоҷират ба таваҷҷуҳи иштирокдорон расонид, ки тибқи Фармони Президенти Федератсияи Россия аз 28 апрели соли 2025, таҳти №272 вобаста ба ворид намудани тағйироту илова ба Фармони Президенти Федератсияи Россия аз 30 декабри соли 2024, № 1126, муҳлати қонунигардонӣ дар Федератсияи Россия то 10 сентябри соли 2025 тамдид карда шуда, барои шаҳрвандони хориҷӣ, ки мушкилот дар самти таҳияи ҳуҷҷатҳои будубош доранд идома дорад.
Фармони мазкур имконият медиҳад, ки то 10 сентябри соли 2025 ҷиҳати ба расмиятдарории фаъолияти меҳнатӣ ба мақомотҳои салоҳиятдор муроҷиат намуда, талаботҳои қонунгузории кишвари иқоматро риоя намоянд.
Иттилоъ дода шуд, ки шаҳрвандон вобаста ба расмиятдароририи ҳуҷҷатҳои будубош ва қонунигардонӣ дар ин давра ба шуъбаҳои муҳоҷирати мақомоти ҳудудии Вазорати корҳои дохилии Федератсияи Россия, шуъбаҳои Корхонаи воҳиди федералии давлатии «ХШР»-и Вазорати корҳои дохилии Россия ва Муассисаи давлатии буҷетии шаҳри Москва “Сахарово” муроҷиат намоянд.
Дар ҳолати пайдо шудани саволҳо дар ин самт метавонанд ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар кишвари Россия бо рақамҳои зерин муроҷиат намоянд:
Телефонҳо барои тамос: +7 (495) 967-98-44 , +7 (999) 912-58-68 (WhatsApp)
Иштирокчиёни вохӯрӣ баён доштанд, ки баргузории чунин чорабиниҳои тарғиботиву иттилоотӣ хеле муҳим ва саривақтӣ буда, дар баланд бардоштани маърифати сиёсӣ, ҳуқуқӣ ва фарҳангии мардум нақши муассир мегузоранд.
Раёсати Хадамоти муҳоҷират дар вилояти Хатлон
