Бо ибтикори бахши Хадамоти муҳоҷират дар ноҳияи Кӯҳистони Мастчоҳ дар деҳаи Хайробод, Ҷамоати деҳоти Лангар бо сокинон ва муҳоҷирони меҳнатии ба ватан баргашта оид ба соли 2024 эълон гардидани «Соли маърифати ҳуқуқӣ», Қонунҳоҳи Ҷумҳурии Тоҷикистон «Дар бораи тарбияи ватандӯстии шаҳрвандон», «Дар бораи танзими ҷашну маросим дар Ҷумҳурии Тоҷикистон», «Дар бораи масъулият барои таълиму тарбияи кӯдак», пешгирӣ аз шомилшавии ҷавонон ба ҳизбу ҳаракатҳои террористиву экстремистӣ ва таълимоти ғайрирасмии динӣ вохӯрии судманд анҷом дода шуд.
Дар вохӯрӣ корманди бахши Хадамоти муҳоҷират андешаронӣ намуда иброз дошт, ки ҳамаи ин муваффақияту комёбиҳои миллати тоҷик аз муттаҳидӣ ва меҳнатдӯстии шаҳрвандон дарак медиҳад.
Бояд қайд намоям, ки миллати сулҳпарвари мо пас аз хомӯш кардани ҷанги шаҳрвандӣ бори дигар ҷаҳониёнро бовар кунонд, тоҷикон ҳамчун миллати дорои фарҳанги баланд ҳамеша ҷонибдори сулҳу ваҳдат буданд, ҳастанд ва мемонанд.
Инчунин дар ин муддат давлати соҳибистиқлоли мо ба дастовардҳои арзишманди сиёсӣ, иқтисодӣ ва фарҳангӣ ноил гаштааст.
Таърих собит намудааст, ки дар ташаккули давлатдориву давлатсозӣ ҳеҷ як дастоварди аслӣ бидуни соҳибистиқлолии комил арзишҳои бунёдӣ надорад.
Раёсати Хадамоти муҳоҷират дар вилояти Суғд
