Бо ибтикори бахши Хадамоти муҳоҷират дар ноҳияи Спитамен якҷоя бо Мақомоти иҷроияи маҳаллии ҳокимияти давлатии ноҳия, КИ ҲХДТ ва шуъбаи Агентии меҳнат ва шуғли аҳолии ноҳия дар маҳаллаҳои Э. Юсуф ва Л. Турсуноваи Ҷамоати деҳоти Т.Ӯлҷабоев вобаста ба соли 2024 эълон гардидани “Соли маърифати хуқуқӣ” вохӯрии судманд баргузор гардид.
Вохӯрӣ асосан вобаста ба иҷрои даструру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки зимни ироаи Паёмашон ба Маҷлиси Олии кишвар ва мулоқоти навбатиашон ки санаи 9 марти соли 2024 маҷлис бо аҳли ҷомеа ва ходимони динӣ кишвар баргузор гардида буд, ба аҳли толор расонида шуд.
Ҳамзамон пайваста дар байни аҳолӣ оид ба пешгирӣ ва гаравидани ҷавонон ба ҳар гуна ҳизбу ҳаракатҳои иртиҷоӣ, аз ҷумла терроризму экстремизм ва таълимоти ғайриқонунии динӣ ва дигар масъалаҳои мубрами рӯз корҳои иттилоотӣ-маърифатӣ гузаронида шуд.
Инчунин дар чорабинии мазкур тарзи дуруст истифода намудани телефонҳои мобилӣ, хусусан дар шабакаҳои иҷтимоӣ, омадагии пеш аз сафар, муҳоҷирати бехатар, пешгирии хурофотпарастӣ, тарғиби либосҳои миллӣ, ҷалби шаҳрвандон ба касбомӯзӣ, бахусус занон ва ҷавонон, доир ба фаъолияти меҳнатӣ дар муҳоҷират ва тартиби будубоши шаҳрвандон, ки ба қаламрави давлати хориҷа хусусан ба Федератсияи Россия ва Ҷумҳурии Туркия ворид мегарданд, оиди тағйиротҳои воридкардашуда ва шиносоӣ бо қонунҳои амалкунанда суханронӣ намуданд.
Аз ҷумла, ба сокинони Ҷамоати деҳот якчанд дастурҳои муфид оид барасмиятдарории хуҷҷатҳо ва тартиби будубош дар хориҷа дода шуд.
Бахши Хадамоти муҳоҷират дар ноҳияи Спитамен
