Тибқи нақшаи муштараки Мақомоти иҷроияи ҳокимияти давлатии ноҳияи Фархор дар идомаи вохӯриҳо дар маҳаллаҳои ҷамоатҳои деҳоти Фархор ва Ҳутан мулоқоти судманд баргузор гардид.

Зимни вохӯрӣ баромадкунандагон, оид ба моҳияти баргузории вохӯрӣ, Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” ва ҷараёни татбиқи Қонунҳои Ҷумҳурии Тоҷикистон “Дар бораи танзими ҷашну маросим дар Ҷумҳурии Тоҷикистон” ва “Дар бораи масъулият барои таълиму тарбияи кӯдак”, муҳоҷирати шаҳрвандон ба хориҷи кишвар, қоидаҳо ва қонунҳои нави муҳоҷират, моҳияти терроризму эктсремизм, пешгирии аз амалҳои коррупсионӣ, бахусус хусусияти динидошта, ҳадафҳои ғаразноки ҳизбу ҳаракатҳои дар кишвар мамнуъ, пешгирии шомилшавии ҷавонон, бахусус муҳоҷирон ва ҷавонони дар хориҷ таҳсилдошта ба гурӯҳҳои ғайриқонунӣ, макру найранг ва роҳҳои ҷалби ҷавонон ба ҳизбу ҳаракатҳои иртиҷоӣ ва террористиву экстремистӣ, шуғли пурмаҳсул, соҳибкасб гардинидани аҳолии бешуғл, аз ҷумла занону бонувон аз тарафи Раёсати агентии меҳнат ва шуғли аҳолӣ дар ноҳия, ҷалби ҷавонон ба хизмати ҳарбӣ ва дигар масъалаҳои ҷорӣ гуфта гузаштанд.

Дар рафти вохӯрӣ намояндаи бахши Хадамоти муҳоҷират ба самъи сокинони ноҳия расонид, ки муҳлати будубош дар Федератсияи Россия 90 шабонарӯзро дар як соли тақвимӣ дар бар мегирад. Муҳлати мазкур ба истиснои ворид шудан бо мақсади фаъолияти меҳнатӣ дар қаламрави Федератсияи Россия мебошад.

Агар шумо бо мақсади сайёҳат, табобат, тиҷорат, корҳои шахсӣ, хидматӣ, убурӣ ба қаламрави Федератсияи Россия ворид мешавед, тиқби талаботҳои қонунгузории кишвари иқомат муҳлати будубошатон на зиёда аз 90 шабонарӯз мебошад.

Шаҳрвандони хориҷӣ дар заминаи асосҳои мазкур метавонад муҳлати будубоши худро дар қаламрави Федератсияи Россия ба муҳлатҳои гуногун тамдид намоянд:

1. Агар шаҳрванди хориҷӣ дорои иҷозатномаи фаъолияти меҳнатӣ (патент) бошад;

2. Шаҳрванди хориҷӣ, ки дар муассисаҳои таҳсилоти миёна ва олии касбии Федератсияи Россия таҳсил менамоянд.

Шаҳрвандони хориҷие, ки дар қаламрави Федератсияи Россия иҷозатномаи фаъолияти меҳнатӣ (патент) дарёфт мекунанд то анҷоми муҳлати иҷозатномаи фаъолияти меҳнатӣ дар кишвари иқомат метавонанд ҳуҷҷатҳои будубоши худро тамдид намоянд.

Шаҳрвандони Ҷумҳурии Тоҷикистон, ки дар қаламрави Федератсияи Россия таҳсил доранд, онҳо метавонад то анҷоми таҳсил муҳлати будубоши худро тамдид намоянд, дар ҳолати анҷоми зиннаи таҳсилот инчунин имконият дода мешавад, ки ба муҳлати 30 шабонарӯз будубоши худро тамдид намуда, ба зинаи дигари таҳсилот дохил шаванд.

Дар охир ба саволҳои иштирокчиёни вохӯрӣ аз ҷониби масъулин посухҳои мушаххас дода шуд.

Раёсати Хадамоти муҳоҷират дар вилояти Хатлон