Бахши Хадамоти муҳоҷират дар ноҳияи Ҷаббор Расулов дар ҳамбастагӣ бо шуъбаи Агентии меҳнат ва шуғли аҳолӣ ва мақомоти иҷроияи ҳокимияти давлатии ноҳия дар маркази Ҷамоати деҳоти Ғулакандоз бахшида ба 115 солагии қаҳрамони меҳнати сотсиалистӣ А. Самадов ярмаркаи ҷойҳои холии корӣ баргузор намуданд.
Дар ярмаркаи мазкур бахши Хадамоти муҳоҷират, Филиали “Маркази таълимии калонсолон”- и ноҳия, ҳамаи Ҷамоатхои шаҳраку деҳоти ноҳия ва зиёда аз 22 адад ташкилоту корхонаҳои ноҳия новобаста аз шакли моликияташон ширкат варзидаанд.
Инчунин, дар кори ярмарка аз тарафи ҷамоату хоҷагиҳои деҳқонӣ ва соҳибкорони ноҳия фурӯши ниҳолҳо ва намоиши ҳунарҳои мардумӣ бо ташаббуси мақомоти иҷроияи ҳокимяти давлатии ноҳия ташкил кардашуда, барои мардум ба намоиш гузошта шуд.
Мавриди қайд аст, ки дар ярмаркаи гузаронидашуда ба муҳоҷирони меҳнатӣ маслиҳатҳои муфид дода шуда, он муҳоҷирони меҳнатие, ки вурудашон ба Федератсияи Россия маън аст, ба ҷалб намудани самтҳои шуғл, аз ҷумла касбомӯзӣ, шаҳодатномакунонӣ қарзҳои имтиёзнок, кортаъминкунӣ дар дохили кишвар, бахусус дар ширкатҳои сохтмонии НБО Роғун пешниҳод гардид. Дар фарҷом ба ҳар як иштироккунанда буклетҳои гуногун тақсим карда шуд.
Бояд қайд кард, ки Раёсати Хадамоти муҳоҷират дар вилояти Суғд минбаъд низ ҷиҳати гузаронидани чунин ярмаркаҳо фаъолияти худро хубтару беҳтар ба роҳ мемонад.
Бахши Хадамоти муҳоҷират дар ноҳияи Ҷаббор Расулов
