Бахши Хадамоти муҳоҷират дар шаҳри Конибодом дар якҷоягӣ бо шуъбаи Агентии меҳнат ва шуғли аҳолӣ, бо мақсади бо корҳои доимию мавсимӣ таъмин намудани муҳоҷирони ба ватан баргашта ва ба касбомӯзӣ фаро гирифтани аҳолӣ, дарёфти корҷӯён дар сохтмони ҶСК «НБО Роғун» дар маркази шаҳри Конибодом ярмаркаи ҷойҳои холии корӣ баргузор намуданд.
Дар ярмарка ҳар яке оид ба мавзӯъҳои гуногун суханронӣ намуданд. Мудири бахши Хадамоти муҳоҷират Толибова Фарзона, вобаста ба масъалаҳои бо ҷойи кор таъмин намудани муҳоҷирони манъгашта ва ба ватан баргашта дар ҶСК «НБО Роғун», Миср, Латвия ва дигар шаҳрҳои хориҷи кишвар, муҳоҷирати бехатар ва муқовимат бо савдои одамон, оид ба вазъи муҳоҷирони шаҳри Конибодом, ки дар Федератсияи Россия фаъолияти меҳнатӣ доранд, инчунин дар бораи пешгирии шомилшавии ҷавонон ба ҳизбу ҳаракатҳои номатлуб ва мубориза алайҳи терроризму экстремизм, ва дигар масъалаҳои мубрами рӯз, суханронӣ намуданд.
Ҳамзамон дар асоси нақша – чорабинии тасдиқшудаи Раёсати Хадамоти муҳоҷират дар вилояти Суғд, бахши Хадамоти муҳоҷират дар шаҳри Конибодом дар якҷоягӣ бо Мақомоти иҷроияи ҳокимияти давлатии шаҳр, гурӯҳи кории иборат аз намояндаи Кумитаи иҷроияи ҲХДТ, мудири бахши Хадамоти муҳоҷират дар шаҳр, сармутахассиси шуъбаи кор бо занони МИҲД, намояндаи шуъбаи маориф вохӯрӣ бо сокинони кӯчаҳои Фабрикӣ, Э.Шарипов, И.Сомони ва қисман Айнӣ дар дар толори коллеҷи технологии ба номи А.Қаҳҳоров –и шаҳри Конибодом баргузор намуданд.
Дар чорабинии мазкур вобаста ба пешгирии ҳодисаҳои номатлуб аз қабили шомилшавии ҷавонон ба ҳизбу ҳаракатҳои террористӣ экстремистӣ, ҷинояткорӣ, аз ҷониби наврасону ҷавонон, Қонунгузории Федератсияи Россия, омодагии пеш аз сафар аз байн бурдани ҷудошавии оилаҳои ҷавон, аз байн бурдани таассубу хурофот ва бегонапарастӣ, иҷроиши Қонунҳои милии Ҷумҳурии Тоҷикистон ва чанд масъалаҳои дигар мавриди баррасӣ қарор гирифт.
Ҳамзамон зимни баромад мудири бахши Хадамоти муҳоҷират Толибова Фарзона, оид ба масъалаи Қонунгузории нави Федератсияи Россия, гузоштани қайди муҳоҷират, тарзи гирифтани Патент, муҳоҷирати бехатар, аз ҷумла гуфта шуд, ки он муҳоҷироне, ки ихроҷ гардидаанд, ин бе қайди истиқомат ва ё беҳуҷҷат фаъолият бурдан ё надонистани Қонунигузории Федератсияи Россия мебошад.
Раёсати Хадамоти муҳоҷират дар вилояти Суғд
