23-юми ноябри соли ҷорӣ бахши Хадамоти муҳоҷират дар ноҳияи Ашт дар якҷоягӣ бо шуъбаи Агентии меҳнат ва шуғли аҳолӣ дар ноҳия дар назди бозори марказии ҷамоати деҳоти Ориён ярмаркаи ҷойҳои холии корӣ ва вазифаҳои озод баргузор намуданд.
Дар ярмаркаи мазкур зиёда аз 333 ҷойҳои холии корӣ ва вазифаҳои озод дар ҳама ҷамоатҳо ва шаҳраку деҳоти ноҳия, 2682 ҷойҳои корӣ дар НБО «Роғун» ва зиёда 50 ҷойҳои холии корӣ дар ҶМТКММ «Апрелёвка» бо фарогирии беш аз 400 нафар шаҳрвандони бекор ва муҳоҷирони ба ватан баргашта баргузор намуданд.
Дар ярмарка ҳар яке оид ба мавзӯъҳои гуногун суханронӣ намуданд. Мудири бахши Хадамоти муҳоҷират дар ноҳияи Ашт Назарова С. вобаста бо мақсади бо ҷойи кор таъмин намудани муҳоҷирони манъгашта дар ҶСК «НБО Роғун» суханронӣ намуда доир ба мавзӯъ варақаҳо буклетҳо пешниҳод намуданд.
Инчунин, 20 нафар шаҳрвандон, аз он ҷумла муҳоҷирони меҳнатие, ки воридшавиашон ба қаламрави Федератсияи Россия манъ гардидааст ба вакансияҳои ҶСК «НБО Роғун» шароити зист, хӯрока ва музди маош маълумотҳои муфассал гирифта, иброз доштанд, ки дар рӯзҳои наздик аз хулосаи худ хабар хоҳанд дод.
Бояд зикр кард, ки гузаронидани чунин ярмаркаҳо дар ҳама шаҳру ноҳияҳои вилояти Суғд дар нақша гирифта шудааст.
Бахши Хадамоти муҳоҷират дар ноҳияи Ашт
