Бо ташаббуси бахши Хадамоти муҳоҷират дар ноҳияи Рӯдакӣ дар якҷоягӣ бо шуъбаи Агентии меҳнат ва шуғли аҳолӣ дар маркази ноҳия ярмаркаи ҷойҳои холии корӣ баргузор намуданд.

Дар ярмаркаи мазкур ҷойҳои холии корӣ дар НБО «Роғун» ва дар корхонаҳои ҳудуди ноҳия бо фарогирии беш аз 100 нафар шаҳрвандони бекор ва муҳоҷирони ба Ватан баргашта баргузор намуданд.

Дар ярмарка мудири бахши Хадамоти муҳоҷират дар ноҳияи Рӯдакӣ Идиев Азизулло., вобаста бо мақсади бо ҷойи кор таъмин намудани муҳоҷирони манъгашта дар ҶСК «НБО Роғун» суханронӣ намуда, доир ба мавзӯъ варакаҳо буклетҳо пешниҳод намуд.

Аз ҷумла, қайд кард, ки нерӯгоҳи барқи обии Роғун иншооти тақдирсоз, манбаи бузурги неъматҳои ҳаётан муҳими мардуми Тоҷикистон аст.

Ба кор даромадани ин нерӯгоҳ муҳимтарин рӯйдоди таърихи давлатдории халқи тоҷик буда, дар солномаи таърихӣ бо ҳарфҳои заррин сабт хоҳад шуд.

Зеро нерӯи барқи аз ҷиҳати экологӣ тоза дар ин ҷо тавлидшуда талаботи Тоҷикистонро ба нерӯи барқ пурра қонеъ карда, ба рушди иқтисоди миллии кишвар такони ҷиддӣ хоҳад бахшид.

Ҳамзамон 80 нафар шаҳрвандон, аз он ҷумла муҳоҷирони меҳнатие, ки воридшавиашон ба қаламрави Федератсияи Россия манъ гардидааст ба вакансияҳои ҶСК «НБО Роғун» шароити зист, хӯрока ва музди маош маълумотҳои муфассал гирифта, иброз доштанд, ки дар рӯзҳои наздик аз хулосаи худ хабар хоҳанд дод.

Инчунин, 53 нафар бо ҷойи кори нав дар ҳудуди ноҳия роҳхат гирифтанд.

Бахши Хадамоти муҳоҷират дар ноҳияи Рӯдакӣ