Бо ибтикори шуъбаи Хадамоти муҳоҷират дар шаҳри Хуҷанд дар Донишкадаи политехникии Донишгоҳи техникии Тоҷикистон (ДПДТТ) ба номи академик М.С. Осимӣ ярмаркаи ҷойҳои холии корӣ, ташкил карда шуд.

Дар он намояндагони шуъбаи Хадамоти муҳоҷират дар шаҳри Хуҷанд, шуъбаи Агентии меҳнат ва шуғли аҳолӣ ва дигар намояндагони такшкилотҳои давлатии вилоят иштирок намуданд.

Дар рафти суҳбат бо шаҳрвандон, доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ  пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оиди донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти  муҳоҷирӣ, дар қайди муҳоҷирӣ истодан дар қаламрави Федератсияи Россия, гирифтани Патент, тартиб додани шартномаи меҳнатӣ, танҳо бо шиносномаи хориҷӣ ворид  шудан ва дигар масъалаҳои мубрами рӯз суханронӣ намуданд.

Ба иштирокдорон оиди шомил нашудан ба ҳизбу ҳаракатҳои ифротгароӣ, экстремизм ва терроризм, муқовимат ба савдои одамон, расонидани кумак ба қурбониёни савдои одамон шаҳрвандон ва муҳоҷирони меҳнати суханронӣ намуда, ба ҳар яки онҳо дастурамали мухтасар оиди муҳоҷирати меҳнатӣ, брошюраҳо, варақаҳои иттилоотӣ-маърифатӣ тақсим карда шуд.  

Ҳамзамон, дар майдони бозори Панҷшанбеи шаҳри Хуҷанд бо шаҳрвандон аз ҷониби кормандони шуъбаи Хадамоти муҳоҷират корҳои фаҳмондадиҳӣ гузаронида шуда, ба сокинон варақаҳои иттилоотӣ тақсим карда шуд.

Раёсати Хадамоти муҳоҷират дар вилояти Суғд