Бахши Хадамоти муҳоҷират дар ноҳияи Зафаробод дар ҳамкорӣ бо Агентии меҳнат ва шуғли аҳолӣ, дар назди бозори Бадахшони маркази ноҳия ярмаркаи ҷойҳои холии корӣ ва вазифаҳои озод баргузор намуд.
Тавассути ин чорабинӣ, бархе аз корҷӯяндагоне, ки муроҷиат намуданд, ба ҷойи кор роҳхат гирифтанд. Барои чалби муҳоҷирони меҳнатӣ, занону духтарони бешуғл ба касбомӯзӣ дар ноҳияи Зафаробод таи солҳои охир тадбирҳои амалӣ андешида мешаванд.
Баргузории чорабинии мазкур дар асоси нақша – чорабиниҳои раёсатҳои Хадамоти муҳоҷират ва Агентии меҳнат ва шуғли аҳолӣ дар вилояти Суғд ҷиҳати ба шуғл таъмин намудани сокинони бешуғл, бахусус, муҳоҷирони меҳнатии ба ватан бозгашта ва занону духтарон роҳандозӣ гардида истодааст.
Дар рафти чорабинӣ, ба 10 нафар сокинони ноҳия, аз ҷумла муҳоҷирони меҳнатие, ки воридшавиашон ба қаламрави Федератсияи Россия манъ гардидааст, ба вакансияҳои ҶСК «НБО Роғун» шароити зист, хӯрока ва музди маоши муносиб, маълумоти муфассал дода шуд.
Раёсати Хадамоти муҳоҷират дар вилояти Суғд
