Шуъбаи Хадамоти муҳоҷират дар шаҳри Исфара якҷоя бо раёсати Агентии меҳнат ва шуғли аҳолӣ бо мақсади бо корҳои доимию мавсимӣ таъмин намудан, дарёфти корҷӯён ба сохтмони ҶСК “НБО Роғун” ва ба касбомӯзӣ фаро гирифтани аҳолӣ дар Филиали Донишгоҳи технологии Тоҷикистон бо иштироки зиёда аз 230 нафар шаҳрвандон, ярмаркаи ҷойҳои кории холӣ ва вазифаҳои озод баргузор намуданд.
Дар ярмарка ҳар яке оид ба мавзӯъҳои гунонгун суханронӣ намуданд. Дар навбати худ сардори шуъбаи Хадамоти муҳоҷират Ахмедов М., доир ба масъалаҳои ҳалталаби рӯз: оид ба рафти иҷрои Қонунҳои Ҷумҳурии Тоҷикистон “Дар бораи масъулият барои таълиму тарбияи кӯдак” ва “Дар бораи танзими ҷашну маросим дар Ҷумҳурии Тоҷикистон”, вобаста ба масъалаҳои бо ҷойи кор таъмин намудани муҳоҷирони манъгашта дар ҶСК “НБО Роғун”, муҳоҷирати бехатар ва муқовимат ба савдои одамон, роҳ надодан ба ришвахӯрӣ ва дигар амалҳои коррупсионӣ оид ба вазъи муҳоҷирони шаҳри Исфара, ки дар Федератсияи Россия фаъолияти меҳнатӣ доранд, инчунин дар бораи пешгирии шомилшавии ҷавонон ба ҳизбу ҳаракатҳои номатлуб ва мубориза алайҳи терроризм ва экстремизм, хусусан дар муҳоҷират, суханронӣ намуд.
Раёсати Хадамоти муҳоҷират дар вилояти Суғд
