Ҷиҳати амалӣ намудани нуқтаҳои Паёми навбатии Асосгузори сулҳу ваҳдати миллӣ- Пешвои миллат, Президенти кишвар, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон тибқи дастуру супоришҳо баҳри амалӣ намудани санадҳои меъёрии ҳуқуқии мусоидат ба шуғли аҳолӣ, бо ташаббуси шуъбаи Агентии меҳнат ва шуғли аҳолӣ дар шаҳри Хуҷанд якҷоя бо шуъбаи Хадамоти муҳоҷират дар «Мардикорбозор»-и шаҳри Хуҷанд ярмаркаи ҷойҳои кории холӣ гузаронида шуд.
Ҳадафи асосии баргузории чорабинӣ фароҳам овардани шароити мусоид ба шаҳрвандони бекор, муҳоҷирони ба ватан бозгашта, муҳоҷироне, ки манъи вуруд доранд, ҷиҳати интихоби ҷойи кории мувофиқ ба кордиҳандагон буд.
Дар рафти чорабинии мазкур аз тарафи кормандони шуъбаи Хадамоти муҳоҷират оиди қонунгузориҳои нави Федератсияи Россия роҷеъ ба муҳоҷирати меҳнатӣ гуфта гузаштанд.
Қайд карда шуд, ки муҳлати будубош дар Федератсияи Россия 90 шабонарӯзро дар як соли тақвимӣ дар бар мегирад. Муҳлати мазкур ба истиснои ворид шудан бо мақсади фаъолияти меҳнатӣ дар қаламрави Федератсияи Россия мебошад.
Агар шумо бо мақсади сайёҳат, табобат, тиҷорат, корҳои шахсӣ, хидматӣ, убурӣ ба қаламрави Федератсияи Россия ворид мешавед, тиқби талаботҳои қонунгузории кишвари иқомат муҳлати будубошатон на зиёда аз 90 шабонарӯз мебошад.
Шаҳрвандони хориҷӣ дар заминаи асосҳои мазкур метавонад муҳлати будубоши худро дар қаламрави Федератсияи Россия ба муҳлатҳои гуногун тамдид намоянд:
1. Агар шаҳрванди хориҷӣ дорои иҷозатномаи фаъолияти меҳнатӣ (патент) бошад;
2. Шаҳрванди хориҷӣ, ки дар муассисаҳои таҳсилоти миёна ва олии касбии Федератсияи Россия таҳсил менамоянд.
Шаҳрвандони хориҷие, ки дар қаламрави Федератсияи Россия иҷозатномаи фаъолияти меҳнатӣ (патент) дарёфт мекунанд то анҷоми муҳлати иҷозатномаи фаъолияти меҳнатӣ дар кишвари иқомат метавонанд ҳуҷҷатҳои будубоши худро тамдид намоянд.
Шаҳрвандони Ҷумҳурии Тоҷикистон, ки дар қаламрави Федератсияи Россия таҳсил доранд, онҳо метавонад то анҷоми таҳсил муҳлати будубоши худро тамдид намоянд, дар ҳолати анҷоми зиннаи таҳсилот инчунин имконият дода мешавад, ки ба муҳлати 30 шабонарӯз будубоши худро тамдид намуда, ба зинаи дигари таҳсилот дохил шаванд.
Ба иттилои сокинони шаҳр расонида шуд, ки дар ҳолати пайдо гардидани мушкилот дар ин самт метавонанд ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар ФР муроҷиат намоянд.
Дар поёни чорабинӣ ба иштирокдорон варақаҳои иттилоотӣ ва роҳнамои Хадамоти муҳоҷират тақсим карда шуд.
Раёсати Хадамоти муҳоҷират дар вилояти Суғд
