Бахши Хадамоти муҳоҷират дар ноҳияи Рӯдакӣ якҷоя бо раёсати Агентии меҳнат ва шуғли аҳоли дар ноҳия бо мақсади бо ҷойи кори доимӣ ва мавсимӣ таъмин намудани шаҳрвандони бекор, бахусу муҳоҷирони меҳнатии ба Ватан баргашта дар маркази шаҳраки Сомониён ярмаркаи ҷойҳои кории холӣ баргузор намуданд.
Дар ярмаркаи мазкур 189 ҷойи кории холӣ, аз ҷумла корхонаву ташкилотҳои ҳудуди ноҳия ва 300 ҷойҳои кории холӣ дар ширкатҳои сохтмонии ҶСК “НБО Роғун” пешкаш гардид.
Ҳамзамон шаҳрвандоне, ки майлу хоҳиш барои омӯхтани касбу ҳунар мароқ доштанд ба филиали МД “Марказӣ таълими калонсолон” дар ноҳияи Рӯдакӣ барои курсҳои кӯтоҳмуддат номнавис карда шуданд.
Дар чорабинии мазкур ба зиёда аз 73 нафар шаҳрвандон корҳои фаҳмондадиҳӣ бурда, аз ин шумора 9 нафар ҳамчун бекор ба қайд гирифта шуда, ба 46 нафар бо ҷойи кори мавсимӣ ва доимӣ дар ҳудуди ноҳия роҳхат дода шуд.
Бахши Хадамоти муҳоҷират дар ноҳияи Рӯдакӣ
