Бо ибтикори бахши Хадамоти муҳоҷират дар шаҳри Истаравшан дар ҳамкорӣ бо Мақомоти иҷроияи ҳокимияти давлатии шаҳр, Раёсати Агентии меҳнат ва шуғли аҳолӣ, комиссарияти ҳарбӣ, раисони ҷамоатҳо, маҳаллаҳо, Филиали МД “Маркази таълими калонсолони Тоҷикистон” ва дигар сохторҳо ярмаркаи ҷойҳои кории холӣ гузаронида шуд.
Дар рафти чорабинӣ ба 10 нафар шаҳрвандони корҷӯй роҳхати Раёсати Агентии меҳнат ва шуғли аҳолии шаҳр дода шуда, 6 нафар шаҳрвандон бо ҷойи кори доимӣ дар ҳудуди шаҳр таъмин гаштанд.
Дар рафти чорабинӣ аз ҷониби намояндагони бахши Хадамоти муҳоҷират дар шаҳри Истаравшан корҳои фаҳмондадиҳӣ оид ба пешгирии шомилшавии ҷавонон ба ҳизбу ҳаракатҳои ифротӣ, муҳоҷирати бехатар, тағйиру иловаҳо дар қонунгузории ФР дар самти муҳоҷират, пешгирии савдои одамон ва дигар масъалаҳои мубрами рӯз, ироа гардид.
Инчунин, қайд карда шуд, ки интихоби касб яке аз масъалаҳои муҳим мебошад ва бо кӯшишу меҳнат соҳиб шудан ба касбу ҳунар шахсро дар оянда соҳиби ҷойи кор намуда, зиндагиашро пеш мебарад.
Раёсати Хадамоти муҳоҷират дар вилояти Суғд
