Бо ибтикори бахши Хадамоти муҳоҷират дар ноҳяии Ашт бо мақсади бо ҷойи кории доимӣ ва мавсимӣ таъмин намудани ҷавонони бекор ва муҳоҷирони ба ватан баргашта дар якҷоягӣ бо шуъбаи Агентии меҳнат ва шуғли аҳоли дар ноҳия, дар бозори «Фаровон»-и Ҷамоати деҳоти Шодоба деҳаи Қаҳрамон ярмаркаи хурди ҷойи кории холӣ ва вазифаҳои озоди дар ҳудуди ноҳия буда баргузор гардид.

Чорабинии мазкур бо фарогирии зиёда аз 300 нафар шаҳрвандон, инчунин муҳоҷирони меҳнатии ба ватан баргашта ва бо пешниҳоди ҷойҳои кории холӣ дар 22 корхонаву ташкилотҳои ноҳия ва ҷойҳои кории холӣ дар ҶСК НБО «Роғун» гузаронида шуд.

Дар рафти чорабинӣ ва корҳои фаҳмондадиҳӣ ба 11 нафар шаҳрвандони корҷӯй роҳхати шуъбаи Агентии меҳнат ва шуғли аҳолӣ дода шуда, 10 нафар шаҳрвандон бо ҷойи кории доимӣ таъмин гаштанд.

Дар чорабинии мазкур аз тарафи мудири бахши Хадамоти муҳоҷират дар ноҳияи Ашт Назарова Сулҳия байни иштирокчиён корҳои фаҳмондадиҳӣ оиди пешгирии шомилшавии ҷавонон ба ҳизбу ҳаракатҳои ифротӣ, муҳоҷирати бехатар, пешгирии савдои одамон низ гузаронида шуд. 

Раёсати Хадамоти муҳоҷират дар вилояти Суғд