Бо мақсади бо ҷои кори доими ва мавсими таъмин намудани ҷавонони бекор ва муҳоҷирони ба ватан баргашта дар якҷоягӣ бо шуъбаи Агентии меҳнат ва шуғли аҳоли дар ноҳия Ашт, дар бозори Ҷамоати деҳоти Ориён ярмаркаи  ҷойҳои кории холӣ ва вазифаҳои озоди дар ҳудуди ноҳия ва берун аз он буда, баргузор гардид.

Чорабинии мазкур бо фарогирии зиёда аз 400 нафар шаҳрвандон, инчунин муҳоҷирони меҳнатии ба ватан баргашта ва бо пешниҳоди 311 ҷойҳои кории холӣ дар 22 корхонаву ташкилотҳои ноҳия ва зиёда аз 6200 ҷойҳои кории холӣ дар ҶСК НБО «Роғун» гузаронида шуд.

Дар рафти чорабинӣ ва корҳои фаҳмондадиҳи ба 10 нафар шаҳрвандони корҷӯй роҳхати шуъбаи Агентии меҳнат ва шуғли аҳолӣ дода шуда, 10 нафар шаҳрвандон бо ҷойи кори доимӣ таъмин гаштанд.

Ҳамзамон дар рафти чорабинӣ аз тарафи мудири бахши Хадамоти муҳоҷират дар ноҳияи Ашт Назарова Сулҳия байни иштирокчиён корҳои фаҳмондадиҳӣ оид ба пешгирии шомилшавии ҷавонон ба ҳизбу ҳаракатҳои ифротӣ, муҳоҷирати бехатар, пешгирии савдои одамон гузаронида шуд.

Инчунин, қайд карда шуд, ки интихоби касб яке аз масъалаҳои муҳим мебошад ва бо кӯшишу меҳнат соҳиб шудан ба касбу  ҳунар шахсро дар оянда соҳиби ҷойи кор намуда, зиндагиашро пеш мебарад.

Бояд тазаккур дод, ки 25 сентябри соли ҷорӣ низ дар якҷоягӣ бо шуъбаи Агентии меҳнат ва шуғли аҳоли дар ноҳия Ашт, дар бозори марказии  Ҷамоати деҳоти Ашт деҳаи Дӯстӣ ярмаркаи хурди ҷойи кории холӣ ва вазифаҳои озоди дар ҳудуди ноҳия ва берун аз он буда, баргузор гардид.

Раёсати Хадамоти муҳоҷират дар вилояти Суғд