Бо ибтикори бахши Хадамоти муҳоҷират дар шаҳри Истаравшан  дар якҷоягӣ бо раёсати Агентии меҳнат ва шуғли аҳолии шаҳр бо мақсади ҳарчи бештар паст намудани сатҳи бекорӣ ва паст кардани шиддати муҳоҷирати меҳнатӣ  ярмаркаи ҷойҳои кории холӣ баргузор гардид.

Дар чорабинии мазкур бо пешниҳоди 1541 ҷойи кори холӣ ва вазифаҳои озод дар корхона ва ташкилотҳо, 250 ҷойҳои кории холӣ дар ҶСК НБО «Роғун», гузаронида шуд.

Бо мақсади бо ҷойи кор таъмин намудани шаҳрвандони бекор тибқи супориши Ситоди вилоятӣ вобаста ба масъалаҳои бо ҷойи кор таъмин намудани муҳоҷирони манъгашта дар ҶСК «НБО Роғун», варақаҳо, брошюраҳо пешниҳод намуда, барои бо ҷойи кор таъмин шудан дар ширкатҳои сохтмонии ҶСК «НБО Роғун» ба қайд гирифта шуданд.

Дар ярмаркаи мазкур ба шаҳрвандоне, ки бекор ҳастанд дорои тавсияномаи раёсати  Агентии меҳнат ва шуғли аҳолӣ гардиданд.

Инчунин, 18 нафар шаҳрвандон, аз он ҷумла муҳоҷирони меҳнатие, ки воридшавиашон ба қаламрави Федератсияи Россия манъ гардидааст ба вакансияҳои ҶСК «НБО Роғун» шароити зист, хӯрока ва музди маош маълумотҳои муфассал дода шуд.

Маркази матбуоти Хадамоти муҳоҷират