Бо мақсади фароҳам овардани шароити мусоид ба шаҳрвандони бекор ҷиҳати интихоби ҷойи кории мувофиқ, ба кордиҳандагон барои интихоби мутахассисон мавриди талабот, муътадил гардонидани вазъи бозори меҳнат дар шаҳри Душанбе, 12 марти соли равон, дар кӯчаи Неъмат Қарабоев назди Маркази савдои Гулистони ноҳияи Фирдавсии пойтахт ярмаркаи ҷойҳои нави корӣ ва вазифаҳои озод баргузор гардид.
Дар ярмаркаи мазкур кормандони Раёсати Хадамоти муҳоҷират дар шаҳри Душанбе, МД “Марказҳои машваратӣ ва омодагӣ пеш аз сафари муҳоҷирони меҳнатӣ” дар шаҳри Душанбе, инчунин шуъбаҳои меҳнат ва шуғли аҳолии ноҳияҳои шаҳри Душанбе, МД “Маркази ҷумҳуриявии роҳнамоии касбӣ”, муассисаҳои таълимии низоми Агентӣ, МД “Агентии бокортаъминкунӣ дар хориҷа ва намояндагони 19 муассисаю ташкилотҳо иштирок карда, дар маҷмуъ зиёда аз 4 ҳазор ҷойҳои кории холӣ дар дохил ва хориҷи кишвар ба шаҳрвандони корҷӯ пешниҳод гардид.
Ҳамзамон, дар ҷараёни ярмарка аз ҷониби кормандони масъули Раёсати Хадамоти муҳоҷират дар шаҳри Душанбе корҳои фаҳмондадиҳӣ оид ба ҷалби шаҳрвандон барои кор дар хориҷи кишвар, инчунин дар ширкатҳои сохтмонии Ҷамъияти Саҳомии Кушодаи НБО “Роғун” ба роҳ монда, маслиҳатҳои муфид дода шуанд.
Инчунин, дар чорабинӣ оид ба пешгирии шомилшавии ҷавонон ба ҳизбу ҳаракатҳои ифротӣ, муҳоҷирати бехатар, экстремизму терроризм, пешгирии савдои одамон, ВНМО ва дигар масъалаҳои мубрами рӯз суханронӣ карда шуд.
Маркази матбуоти Хадамоти муҳоҷират
