Бахши Хадамоти муҳоҷират дар ноҳияи Ашт дар якҷоягӣ бо шуъбаи Агентии меҳнат, ва шуғли аҳолӣ бо мақсади ҳарчи бештар паст намудани сатҳи бекорӣ ва паст кардани шиддати муҳоҷирати меҳнатӣ дар деҳаи Дӯстии Ҷамоати деҳоти Ашт ярмаркаи ҷойҳои холии корӣ баргузор намуданд.

Чорабинии мазкур бо пешниҳоди 360 ҷойи холии корӣ ва вазифаҳои озод дар корхона ва ташкилотҳо, 600 ҷойҳои холии корӣ дар ҶСК НБО «Роғун», гузаронида шуд.

Бо мақсади бо ҷойи кор таъмин намудани шаҳрвандони бекор тибқи супориши Ситоди вилоятӣ вобаста ба масъалаҳои бо ҷойи кор таъмин намудани муҳоҷирони манъгашта дар ҶСК «НБО Роғун» варакаҳо буклетҳо пешниҳод намуда, барои бо кор таъмин шудан дар ширкатҳои сохтмонии ҶСК «НБО Роғун» ба қайд гирифта шуданд.

Бояд қайд кард, ки чунин чорабинӣ дар ноҳияи Шаҳристон низ баргузор карда шуд.

Дар ярмаркаи мазкур 8 нафар шаҳрвандони бекор дорои тавсияномаи шуъбаи Агентии меҳнат, ва шуғли аҳолӣ дар ноҳия гаштанд.

Инчунин, 15 нафар шаҳрвандон, аз он ҷумла муҳоҷирони меҳнатие, ки воридшавиашон ба қаламрави Федератсия Россия манъ гардидааст, ба вакансияҳои ҶСК «НБО Роғун» шароити зист, хӯрока ва музди маош маълумотҳои муфассал гирифта иброз доштанд, ки дар рӯзҳои наздик аз хулосаи худ хабар хоҳанд дод.

Бояд зикр кард, ки гузаронидани чунин ярмаркаҳо дар ҳама шаҳру ноҳияҳои вилояти Суғд гузаронида мешавад.

Раёсати Хадамоти муҳоҷират дар вилояти Суғд