Амалҳои коррупсионӣ яке роҳҳои гирифтани садди рушди ҷомеаи муосир маҳсуб ёфта, мубориза бо он вазифаи муштараки мақомот ва шаҳрвандон дар тамоми сатҳҳои идоракунии ҷамъиятию сиёсӣ ва ҳаёти ҷамъиятӣ мебошад.

Коррупсия дар тамоми соҳаҳои ҳаёти инсон зоҳир мегардад.

Тавре таҷрибаи ҷаҳонӣ нишон медиҳад, рушди устувори иқтисодиро танҳо дар асоси инноватсионӣ, бо истифодаи фаъолонаи дастовардҳои илму техникаи муосир ба даст овардан мумкин аст.

Муқовимати муассир ба коррупсия танҳо дар заминаи низоми ҳамаҷонибаи тадбирҳо, аз ҷумла фароҳам овардани заминаи ҳуқуқӣ ва ташкили фаъолияти мақомоти ҳифзи ҳуқуқ, ки дар ҳалли ин мушкилот иштирок мекунанд, имконпазир аст.

Механизми самараноки мубориза бо коррупсия бояд системаи самараноки мубориза бо ҷиноятҳои коррупсионӣ бошад.

Ногузирии ҷазо дар намуди маҳрум кардан аз молу мулки бо роҳи ҷиноят ба даст овардашуда, бешубҳа, аз як тараф, омили ҷиддии пешгирикунанда бошад, аз тарафи дигар, имкон медиҳад, ки оқибатҳои ҳуқуқвайронкуниҳои коррупсионӣ бо роҳи ҷуброни зарар расонидашуда то ҳадди ақал кам карда шаванд.

Муқовимат бо коррупсия муҳимтарин самти стратегии сиёсати давлатии Тоҷикистон мебошад.

Натиҷаи барномаҳои давлатии мубориза бо коррупсия, ки қаблан амалӣ шуда буданд, имкон ва зарурати кори минбаъдаи мунтазами тамоми давлат ва ҷомеаро ҷиҳати таҳияи чораҳои муассир оид ба пешгирии рушди минбаъдаи коррупсия нишон доданд.

Барои ошкор намудани камбудиҳо ва бартарафсозии минбаъдаи онҳо, пеш аз ҳама, омӯхтани қонунгузории амалкунандаи зиддикоррупсионӣ, ки ба мубориза ва пешгирии коррупсия нигаронида шудааст, зарур аст.

Баъдан, бояд характеристикаи криминологии мубориза бар зидди коррупсия бо назардошти зуҳурот ва шаклҳои нави коррупсия ва ба назар гирифтани хусусиятҳои онҳо низ омӯхта шавад.

Омӯхтани таҷрибаи мусбати давлатҳои пешрафтаи Ғарб дар истифодаи чораҳои маҷмӯии пешгирӣ ва мубориза бо коррупсия муҳим аст, то ки кормандони мақомоти ҳифзи ҳуқуқ дар мубориза бо коррупсия аз он бомуваффақият истифода баранд.

Таҳияи механизмҳои нави ҳуқуқӣ ба истифодаи васеи имкониятҳои иттилоотӣ барои кам кардани сатҳи коррупсия нигаронида шудаанд.

Бо мақсади муайян намудани сабабу шароите, ки ба густариши коррупсия мусоидат мекунанд, дар байни аҳолӣ, инчунин намояндагони мақомоти давлатӣ ва соҳибкорӣ пурсишҳои сотсиологӣ гузаронида мешавад.

Шарипов Тоҳир
сармутахасиси шуъбаи муҳоҷирати меҳнатии Раёсати Хадамоти муҳоҷират дар шаҳри Душанбе