Бо ибтикори бахши Хадамоти муҳоҷират дар ноҳияи Ҷаббор Расулов вохӯриву суҳбатҳо бо сокинони Ҷамоати деҳоти Гулхона баргузор гардид.
Масъулин доир ба муҳтавои Паёми навбатии Пешвои миллат Президенти Ҷумҳурии Тоҷикистон муҳтарам Эмомалӣ Раҳмон, пешгирӣ шомилшавии ҷавонон, хусусан муҳоҷирони меҳнатӣ ба ҳизбу ҳаракатҳои иртиҷоӣ, пешгирӣ ҳолатҳои коррупсионӣ, муҳоҷирати бехатар, баланд бардоштани ҳисси худшиносию худогоҳӣ, бурдани корҳои фаҳмондадиҳӣ дар байни ҷавонон ба ватандӯстию хештаншиносӣ, хизмат ба модар ватан, бо ҷойи кори доимӣ таъмин намудани муҳоҷирони бозгашта дар дохили кишвар, ба касбомӯзӣ ва забономӯзӣ ҷалб намудани онҳо ва дигар масъалаҳои мубрами рӯз суханронӣ намуданд.
Дар рафти вохӯрӣ кормандони бахши Хадамоти муҳоҷират дар ноҳия доир ба мавзуи терроризм ва экстремизм дар замони мо, ки пур аз таззод, мушкилот, ихтилофу зиддиятҳост, доир ба афзудан ва густариши экстремизм, фундаментализм, терроризм ва дигар зуҳуроту падидаҳои номатлубу хатарафзо зиёд ҳарф мезананд ва менависанд, ибрози назар карданд. Ба иштирокдорон брошюраҳои Хадамоти муҳоҷират тақсим карда шуданд.
Маркази матбуоти Хадамоти муҳоҷират
