Кормандони шуъбаи Хадамоти муҳоҷират дар шаҳри Кӯлоб бо як ҳисси баланди масъулиятшиносӣ суҳбату вохӯриро бо муҳоҷирони меҳнатии бозгашта дар “Фурудгоҳи байналмилалии Кӯлоб” пурзӯр намуда истодаанд.
Дар рафти вохӯрӣ мутахассиси пешбари шуъбаи Хадамоти муҳоҷират дар шаҳри Кӯлоб Абдулфайз Сафаров бо шаҳрвандон – муҳоҷирони меҳнатӣ дар мавзӯи бо ҷойи кори доимӣ таъмин намудани муҳоҷирони ба ватан бозгашта, ба забономӯзӣ ва касбомӯзи ҷалб намудани онҳо суҳбат ороста, ба он нафароне, ки азми сафар ба кишвари Россия доранд, таъкид карда шуд, ки пеш аз сафар омодагӣ бинанд, ҳуҷҷатҳои зарурӣ аз қабили шиносномаи тиббӣ, оиди пешгирии бемориҳои сироятӣ, изи даст, надоштани доғи судӣ ва ҳуҷҷати касбриро бо худ гирифтан зарур аст. Ба он нафароне, ки аз муҳоҷирати меҳнатӣ бозгаштаанд бо вакансияҳои ҷойи кории холӣ таъмин намудани онҳо дар дохили кишвар тавсияҳои муфид дод.
Ҳамзамон, ба он нафароне, ки барои фаъолияти меҳнатӣ ба кишвари Россия равонаанд, таъкид карданд, ки ҳатман шиносномаи худро дар сохторҳои Хадамоти муҳоҷират ва Намояндагии муассисаи федералии воҳиди давлатии (Хадамоти шиносномадиҳӣ ва раводид)-и ВКД ФР дар Ҷумҳурии Тоҷикистон (ПВС), ки дар бинои Хадамоти муҳоҷират ҷойгир аст, аз маҳзани манъшудагон санҷида баъдан азми сафар намоянд, зеро назорат дар сарҳадоти қаламрави кишвари Россия пурзур карда шудааст.
Инчунин, ба маълумоти шаҳрвандони ҷумҳурӣ расониданием, ки дар Хадамоти муҳоҷират хати оҷилӣ (кол центр) фаъолият дорад, шаҳрвандон метавонанд бо рақами 900800800 дар тамос бошанд.
Маркази матбуоти Хадамоти муҳоҷират
