Бо ташаббуси бахши Хадамоти муҳоҷират дар шаҳри Конибодом дар ҳамбастагӣ бо Мақомоти иҷроияи ҳокимияти давлатии шаҳр гурӯҳи кории мақомот вохӯрии судмандро бо сокинони маҳаллаҳои ба номи Н. Қарабоев ва Нефтчиён баргузор намуд.
Дар вохӯрӣ масъулин вобаста ба пешгирии ҳодисаҳои номатлуб, аз қабили шомилшавии ҷавонон ба ҳизбу ҳаракатҳои террористиву экстремистӣ, ҷинояткорӣ аз ҷониби наврасону ҷавонон, қонунгузории Федератсияи Руссия дар самти муҳоҷират, омодагии пеш аз сафар, аз байн бурдани ҷудошавии оилаҳои ҷавон, иҷроиши қонунҳои милии Ҷумҳурии Тоҷикистон ва чанд масъалаҳои дигар мавриди баррасӣ қарор гирифт.
Дар баромади худ мудири бахши Хадамоти муҳоҷират дар шаҳри Конибодом Толибова Фарзона оид ба қонунгузориҳои нави Федератсияи Руссия дар самти муҳоҷират, омодагӣ пеш аз сафар, муҳоҷирати бехатар суханронӣ намуда, қайд намуд, ки асоси муҳоҷирони ихроҷ гардида бе қайди истиқомат ва ё беҳуҷҷат фаъолият бурдан, ё надонистани қонунигузории Федератсияи Россия мебошад, бемориҳои сирояти ВНМО/БПНМ, сил, оташак, бемории руҳи, гепатит ва роҳи пешгирии онҳо ибрози назар кард.
Маркази матбуоти Хадамоти муҳоҷират
