Дар идомаи сафари корӣ муовини якуми Сардори Хадамоти муҳоҷират Шарифзода Маҳмадсалим Пир бо иштироки роҳбарияти Раёсати Хадамоти муҳоҷират дар вилояти Хатлон вохӯрии навбатиро бо фаъолон ва сокинони ноҳияҳои Ҷ. Балхӣ ва Дӯстӣ баргузор намуданд.
Дар рафти вохӯрӣ муовини якуми Сардори Хадамоти муҳоҷират баромад намуда, вобаста ба баланд бардоштани сатҳи огоҳии аҳолӣ дар бораи муҳоҷирати бехатар маълумот доданд. Аз ҷумла, оид ба риояи қонунгузориҳои нави кишвари Россия дар самти муҳоҷират, тартиби ба роҳ мондани фаъолияти ҳар як муҳоҷир тибқи талаботҳои муқаррарнамудаи қонунгузорӣ, барасмиятдарории саривақтии ҳуҷҷатҳои дахлдори танзимкунандаи будубоши қонунӣ, дури ҷустан аз ҳар гуна гурӯҳҳои террористиву экстремисти, ифротгарову хуруфотпараст ва оиди бемориҳои вируси норасоии масъунияти бадан (ВИЧ/СПИД) ва дигар масъъалаҳои мубрами рӯз суханронӣ намуданд.
Инчунин, дар рафти суҳбат доир ба будубоши шаҳрвандони Ҷумҳурии Тоҷикистон дар давлати Россия, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, гирифтани патент, тартиби дар қайди ҷойи истиқомат гузоштани шаҳрвандони хориҷа, тарзи бастани шартномаи меҳнатӣ, ҳуқуқ ва уҳдадориҳои корфармо ва коргар фаҳмонида шуд.
Ҳамзамон, қайд карданд, ки дар ҳолати зарур набудан ба қаламрави Федератсияи Россия сафар накунанд, инчунин доир ба истифодаи дурусти шабакаҳои иҷтимоӣ якчанд дастур доданд, ки тариқи телефонҳои мобилӣ низ ба гурӯҳҳое, ки оиди дуруст ё нодуруст буданаш маълумот надоранд шинос нашаванд ва фирефтаи нафарони бадхоҳ нагарданд.
Дар хатми баромади худ муовини якуми Сардори Хадамоти муҳоҷират аҳли толорро бо яке аз санаҳои муҳими таърихи 35- солагии Истиқлоли давлатии Ҷумҳурии Тоҷикистон табрик намуданд.
Маркази матбуоти Хадамоти муҳоҷират
