Кормандони масъули шуъбаи Хадамоти муҳоҷират дар шаҳри Кӯлоб дар “Фурудгоҳи байналмилалии Кӯлоб” корҳои фаҳмондадиҳӣ дар байни шаҳрвандони ба Ватан бозгашта ва шаҳрвандоне, ки тавассути парвоз ба Федератсияи Россия барои муҳоҷирати меҳнатӣ равонаанд, идома дода истодаанд.
Дар рафти вохӯрӣ бо шаҳрвандоне, ки барои муҳоҷирати меҳнатӣ равонаанд, таъкид карда шуданд, ки Муассисаи давлатии Маркази бисёрсоҳавии муҳоҷиратӣ “Сахарово” дорои сомонаи расмӣ ва платформаи ягонаи дастрасии хизматрасониҳои электрониро доро буда, шаҳрвандон барои дастрасӣ ба хизматрасониҳои мазкур метавонанд аз он истифода баранд.
Ба иттилои шаҳрвандон мерасонем, ки онҳо метавонанд тавассути платформаи мазкур навбат гирифта, дар вақти муайянкардашуда ҳозир шуда, бе навбатпоии тулонӣ хизматрасониҳои Маркази бисёрсоҳавии муҳоҷиратӣ “Сахарово”-ро дастрас намоянд.
Барои гирифтани хизматрасониҳои маркази мазкур аз линки зер истифода намоед: http://90.154.106.61:28080/PreRegistration.aspx
Дар ин замина маълум менамоем, ки сабти навбатгирӣ барои дарёфти хизматрасониҳои болозикр тавассути порталҳои хизматрасони “АМИНА” ва “МИГРАНТСЕРВИС” имконпазир мебошад.
Ба таваҷҷуҳи шаҳрвандони Ҷумҳурии Тоҷикистон расонида мешавад, ки дар ҳолати пеш омаданӣ мушкилот метавонанд ба Намояндагии Вазорати меҳнат муҳоҷират ва шуғли аҳолии Ҷумҳурии Тоҷикистон дар ФР барои гирифтани машварат ва тавсияҳои ҳуқуқии ройгон муроҷиат намоянд.
Маркази матбуоти Хадамоти муҳоҷират
