Бо ташаббуси бахши Хадамоти муҳоҷират дар ноҳияи Ҷаббор Расулов ҷиҳати иҷрои нақша чорабиниҳои Раёсати Хадамоти муҳоҷират дар вилояти Суғд чорабинии иттилоотӣ – маърифатӣ дар Ҷамоати деҳоти Гулхона маҳаллаи Алӣ Назаров бо сокинони ҷамоат, аз ҷумла муҳоҷирони меҳнатии бозгашта ва аъзои оилаи онҳо баргузор гардид.
Дар вохӯрӣ мудири бахши Хадамоти муҳоҷират дар ноҳияи Ҷаббор Расулов Саидов Сино баромад намуда, оид ба мавзуъҳои пешгирӣ содиршавии ҳодисаҳои номатлуб, аз қабили шомилшавии ҷавонон ба ҳизбу ҳаракатҳои террористиву экстремистӣ, баланд бардоштани тарбияи ватандӯстии ҷавонон ва маърифати сиёсию-ҳуқуқӣ ва фарҳангии онҳо, ҷалби саривақтии ҷавонон барои даъват ба хизмати ҳатмии ҳарбӣ дар сафи Қувваҳои Мусаллаҳи Ҷумҳурии Тоҷикистон, фаҳмонида додани моҳият ва тадбиқи Қонуни Ҷумҳурии Тоҷикистон “Дар бораи масъулияти падару модар дар таълим ва тарбияи кӯдак” ва ҳамчунин оид ба муҳоҷирати бехатар, қонунгузориҳои нави Федератсияи Россия, тарзи дуруст истифода бурдани шабакаҳои иҷтимоӣ, суханронӣ карда шуданд.
Кайд кардан ба маврид аст, ки чунин вохӯрии судманд дар дигар маҳалла ва ҷамоатҳои ноҳия мунтазам гузаронида мешавад.
Маркази матбуоти Хадамоти муҳоҷират
