Забони модарӣ хишти аввалини кохи миллат, нахустсутуни тафаккури миллӣ ва яке аз рамзҳои асосии устувории давлатдорӣ ба шумор меравад. Таърихи башарият гувоҳ аст, ки миллатҳои мухталифи ҷаҳон маҳз ба воситаи ҳифзи забон ва фарҳанги худ тавонистаанд аз туфонҳои дахшатноки таърихӣ саломат гузашта, ҳувияти миллии хешро нигоҳ доранд. Барои халқи тоҷик низ забони ноби тоҷикӣ дар тули ҳазорсолаҳо омили мухимтарини муттаҳидкунанда ва нигаҳбони ҳастии миллат буд. Забони тоҷикӣ таърихи чандинҳазорсола дошта, бо лаҳни ширин ва назми оламгири худ ҷаҳонро тасхир кардааст.

Пас аз ба даст овардани Истиқлоли давлатӣ, таҳти роҳбарии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Рахмон, сиёсати забони давлатӣ ба зинаи нави рушд қадам гузошт. 5 октябри соли 2009 Қонуни Ҷумҳурии Тоҷикистон “Дар бораи забони давлатии Ҷумҳурии Тоҷикистон” қабул гардид ва ин рӯз ҳар сол ҳамчун, Рӯзи забони давлатӣ дар кишвар бо шукӯҳу шаҳомати хоса ҷашн гирифта мешавад.

Мувофиқи моддаи 2-юми Конститутсияи Ҷумхурии Тоҷикистон, забони давлатии Тоҷикистон забони точикӣ аст. Давлат вазифадор аст, ки истифода, ҳимоя ва дурнамои рушди онро дар тамоми соҳаҳои ҳаёти сиёсӣ, иқтисодӣ, иҷтимоӣ ва фарҳангии мамлакат таъмин намояд. Имрӯз забони тоҷикӣ на танхо забони муошират ва адабиёт, балки забони сиёсат, илм ва қонунгузории пешрафта гардидааст.

Поку бегазанд нигоҳ доштани забони модарӣ, омӯхтани таъриху адабиёти бой ва риояи меъёрҳои забони адабӣ вазифаи муқаддаси ҳар як фарзанди бонангу номуси миллат аст. Чи тавре, ки Пешвои миллат таъкид доштаанд, забони тоҷикӣ аз олитарин муқаддасоти миллии мо ба шумор меравад. Мо бояд ин ёдгории бемисли ниёгонро устувор нигоҳ дошта онро ба наслҳои оянда солим ва бойтар мерос гузорем.

Саторова М.К,                                                    

Сардори шуъбаи Хадамоти муҳоҷират дар шаҳри Хуҷанд