Бо ибтикори бахши Хадамоти муҳоҷират дар ноҳияи Куҳистони Мастчоҳ дар деҳаи Пастиғави Ҷамоати деҳоти ба номи Иван-Тоҷик бо хонандагон ва падару модарон вохӯрии судманд анҷом дода, оиди ба расмиятдарори ҳуҷҷатҳои будубош ва фаъолияти корӣ дар қаламрави Федератсияи Россия, қонунҳои амалкунанда суханронӣ намуд.
Дар вохӯрӣ корманди бахши Хадамоти муҳоҷират дар ноҳия Иморуддинов Фаррухиддин аз шаҳрвандоне, ки хешу ақрабоашон дар муҳоҷирати меҳнатӣ қарор доранд хоҳиш намуд, ки бо фарзандонашон дар алоқа бошанд ва ба чи кору фаъолият машғул будани онҳо огоҳ бошанд.
Инчунин, дар вохӯрӣ оиди муҳтавои Паёми Асосгузори сулҳу ваҳдати милли-Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси олии Ҷумҳурии Тоҷикистон, Қонуни Ҷумҳурии Тоҷикистон», “Дар бораи масъулият дар таълиму тарбияи кӯдак”, “Дар бораи тарбияи ватандӯстии шаҳрвандон”, пешгири шомилшавии ҷавонон ба ҳизбу ҳаракатҳои террористиву экстремистӣ ибрози андеша намуд.
Дар фарҷоми чорабинӣ ба иштирокдорон варақаҳои иттилоотӣ- маърифатӣ доир ба мавзуъ тақсим карда шуданд.
Маркази матбуоти Хадамоти муҳоҷират
