Бахши Хадамоти муҳоҷират дар ноҳияи Мастчоҳ дар маҳаллаҳои Сабағ, Табушн, Валғунд ва Истошони Ҷамоати деҳоти Палдорак, ҷиҳати тарғибу ташвиқӣ нуқтаҳои асосии Паёми Президенти Ҷумҳурии Тоҷикистон, муҳтарам Эмомалӣ Раҳмон ба Маҷлиси Олӣ ироа гардид ва ҷиҳати пешгирии шомилшавии ҷавонон ба ҳизбу ҳаракатҳои ифротӣ, вохурии судманд ташкил карда шуд.

Вохӯрии мазкур дар фазои шукргузорӣ аз истиқлоли давлатӣ бо иштироки тарғиботчиён бо роҳбарии муовини раиси ноҳия, намояндаи Кумитаи давлатии амнияти миллӣ, мудири бахши рушди иҷтимоӣ ва робита бо ҷомеаи дастгоҳи Раиси ноҳия,  сармутахассиси бахши дин ва танзими ҷашну маросим, мудири бахши Хадамоти  муҳоҷират дар ноҳия, ва муовини раиси Ҷамоати деҳоти Палдорак,  баргузор гардид.

Баромадкунандагон оид ба Қонунҳои Миллии Ҷумҳурии Тоҷикистон  “Дар бораи танзими ҷашну маросим дар Ҷумҳурии Тоҷикистон”, “Дар бораи масъулият дар таълиму тарбияи кудак”, тарбияи ҳарбии ватандустӣ, пешгирии омилҳои номатлуби ҷомеа аз қабили шомил шудани ҷавонон ба ҳизбу ҳаракатҳои ифротӣ, экстремизм ва терроризм, корупсия, таълимоти ғайрирасмии динӣ, ҷинояту ҷинояткорӣ, тақлидкорӣ, бегонапарастӣ, пошхӯрии оилаҳо суханрони намуданд.

Дар навбати худ мудири бахши Хадамоти муҳоҷират дар ноҳияи Мастчоҳ оид ба имкониятҳо барои муҳоҷирони меҳнатӣ ва ба муҳоҷирони ба ватан баргашта, савдои одамон  ва  оворагардии наврасон,  суханронӣ намуд.

Вохӯрӣ дар фазои озод ташкил гардида, иштироккунандагон ба саволҳои худ ҷавобҳо гирфтанд.

Маркази матбуоти Хадамоти муҳоҷират