Дар доираи нақша чорабиниҳои шуъбаи Хадамоти муҳоҷират дар шаҳри Турсунзода дар миёни сокинони деҳаи Ширкент Ҷамоати деҳоти Работи шаҳри Турсунзода корҳои фаҳмондадиҳӣ баргузор гардид.
Зимни баргузории корҳои фаҳмондадиҳӣ ба сокинон варақаи иттилоотӣ тақсим карда шуда, оид ба қонунгузориҳои нави муҳоҷиратӣ, тартиби дурусти истифодаи барномаи “Амина”, ҳолатҳои пешгирикунандаи қонунгузорӣ дар самти муҳоҷирати меҳнатӣ, таъмини кафолатҳои меҳнатӣ, инчунин оид ба рияои талаботҳои бехатарӣ дар истеҳсолот маълумотҳои муфид дода шуд.
Ҳамзамон, таъкид гардид, ки ҳангоми оғози фаъолияти меҳнатӣ бо корфармоёни хориҷӣ зарур аст, ки шартномаи меҳнатӣ ба имзо расонида, як нусхаи асли онро дар худ нигоҳ доранд, чун ҳангоми мушкилот дар самти пардохти музди меҳнат ва ҳифзи кафолатҳои меҳнатии шаҳрвандони Ҷумҳурии Тоҷикистон ҳуҷҷати танзимкунанда ва тасдиқкунандаи юридикӣ шартномаи меҳнатӣ ба ҳисоб меравад. Инчунин, дар доираи корҳои фаҳмондадиҳӣ ба сокинон оид ба хатару таҳдидҳои замони муосир, пешгирии онҳо аз гурӯҳҳои иртиҷоӣ ва ифротгароии диннӣ, пешгирӣ аз истифодаи маводҳои мухаддиру маводҳои мамнуъшуда маълумот дода шуд.
Зикр гардид, ки дар замони муосир истифодаи воситаҳои муосртарини дастрасӣ ба иттилоот барои ташаккули андешаи фикрии инсоният мусоидат намуда, мутаассифона истифодаи нодурусти шабакаҳои иҷтимоӣ ва сомонаҳои мамнуъ муҳоҷирони меҳнатиро ба доми фиреб оварда, онҳоро мувоҷеҳи мушкилоти зиёд мегардонад.
Вобаста ба ин ба сокинони шаҳри Турсунзода, ки волидайни онҳо дар фаъолияти меҳнатӣ қарор доранд, тавсия дода шуд, ки ба онҳо расонанд, аз истифодаи сомонаҳои мамнуъ худдорӣ намуда, фарҳанги дурусти истифодаи шабакаҳои иҷтимоиро риоя намоянд.
Дар ҳолати пеш омадани мушкилот ва ё пайдо гардидани саволҳо дар самти муҳоҷирати меҳнатӣ, метавонанд ба Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар ФР муроҷиат намоянд.
Маркази матбуоти Хадамоти муҳоҷират

