Ҳайати гурӯҳи кории Хадамоти муҳоҷират дар фурудгоҳҳои шаҳри Душанбе, Бохтар, Хуҷанд ва Кӯлоб, инчунин истгоҳи роҳи оҳани шаҳри Душанбе ва Хуҷанд ҳамарӯза пеш аз сафар бо муҳоҷирони меҳнатие, ки тавассути парвоз, қатора ва нақлиёти мусофирбар ба минтақаҳои гуногуни Федератсияи Россия сафар менамоянд, ҳамсуҳбат шуда, дастурҳои муфид медиҳанд.
Дар рафти суҳбат шаҳрвандонро бори дигар таъкид менамоянд, ки ба пешниҳоди ашхоси ношинос дар бораи ёфтани кори сердаромад дар хориҷи кишвар бовар накарда, то кадом андоза асоснок будани кори ба шумо пешниҳод шударо тариқи интернет дақиқ намоед, ки оё дар асл чунин корхона вуҷуд дорад ё не, музди меҳнат ва шароити кориаш чӣ гуна аст.
Ба шахсони тасодуфие, ки ба шумо дар кишварҳои хориҷӣ кори осону пули калон ваъда медиҳанд ва ҳатто омодаанд, ки пули чиптаи ҳавопаймо ва дигар хароҷотҳои сафарро пардохт намоянд, бовар накунед, зеро аксаран чунин афроди ҷиноятпеша бо хариду фурӯши одамон машғул буда, бо ваъдаҳои бардурӯғ муҳоҷирони меҳнатиро ба дом меафкананд ва қарзи калонеро ба гарданашон бор карда, ҳамчун ғуломи меҳнатӣ ё шаҳвонӣ истифода мебаранд.
Боиси таассуф аст, ки дар ҷумҳурии мо солҳои охир бархе ҷавонон бо шомил шудан ба ҳизбҳои ифротию гурӯҳҳои террористӣ дастгир ва бо моддаҳои гуногуни қонуни ҷиноӣ айбдор шудаанд.
Албатта, ба чунин гурўҳҳо шомил шудани ҷавонон ин маърифат ва савияи пасти донишҳои дунявӣ ва динирро лоштани онҳо мебошанд.
Шахсан мо ҷонибдори сулҳу амонӣ ва оромию тинҷии кишварамон буда, ҳеҷ вақт аз тасмими ин ҷавонони гумроҳзада дастгирӣ нахоҳем кард. Ба ҷавонон таъкид мекунем, ки фирефтаи афкори бегонагон нагардед, ба ҳар гуна ҳизбу ҳаракатҳои иртиҷоӣ напайвандед, зиндагии худ ва аҳли хонаводаатонро ҳаргиз тираву тор нагардонед.
Роҳи аз ҳама хуб ва бехатари пайдо кардани кор дар хориҷи кишвар муроҷиат намудан ба идора ва ташкилоту созмонҳои расмие мебошад, ки бо масоили муҳоҷират машғуланд.
Ҳамзамон ба таваҷҷуҳи муҳоҷирони меҳнатӣ, ки дар Федератсияи Россия фаъолият менамоянд, расонида мешавад, ки дар сурати ба мушкилӣ дучор шудан ва ё ниёз доштан ба кумаки ҳуқуқӣ ба Намояндагии Вазорати меҳнат, муҳоҷират ва шғли аҳолии Ҷумҳурии Тоҷикистон дар Федератсияи Россия оид ба муҳоҷират бо суроғаи зерин муроҷиат намоед!
1. Ҳавзаи федералии Марказӣ, ш. Москва: +7 (495) 967-98-44 ва шабакаи иҷтимоии WhatsАрр” +7 (999) 912-58-68;
2. Ҳавзаи федералии Урал, ш. Екатеринбург: +7 (982) 739-89-98;
3. Ҳавзаи федералии Приволжие, ш. Уфа: +7 (966) 031-22-22;
4. Ҳавзаи федералии Шимолу Ғарб, ш. СанктПетербург: +7 (977) 963-25-69;
5. Ҳавзаи федералии Ҷанубӣ, ш. Краснодар: +7 (996) 120-77-77;
6. Ҳавзаи федералии Шарқи Дур, ш. Хабаровск: +7. (926) 311-52-53.
Бо дарназардошти ин, ба шаҳрвандоне, ки мақсади сафар ва шуруъ намудани фаъолияти меҳнатӣ дар минтақаҳои мазкур доранд, тавсия дода мешавад, талаботи қонунгузории кишвари иқоматро риоя намоянд.
Маркази матбуоти Хадамоти муҳоҷират
