Бо мақсади гузаронидани корҳои иттилоотрасонӣ дар миёни шаҳрвандон – муҳоҷирони меҳнатӣ ва оилаи онҳо оид ба тағйиротҳои қонунгузории кишварҳои қабулкунанда дар самти муҳоҷирати меҳнатӣ, вохӯрии корманди бахши Хадамоти муҳоҷират дар ноҳияи Ашт Норбоев Дамир дар якҷоягӣ бо мутахасиси пешбари бахши кор бо ҷавонон ва варзиши ноҳия Мавлонов Муслимбек ва сармутахасиси шуъбаи рушди иҷтимоӣ ва робита бо ҷомеа дар Гимназияи №1 баргузор гардид.
Бо мақсади дар амал татбиқ намудани дастуру супоришҳои Президенти Ҷумҳурии Тоҷикистон, Пешвои муаззами миллат муҳтарам Эмомалӣ Раҳмон, ҷиҳати тақвият бахшидани корҳои фаҳмондадиҳӣ бо усули суҳбатҳои рӯ ба рӯ оид ба ҷалби ҷавонон ба касбу ҳунар, пешгирии шомилшавии ҷавонон ба ҳизбу ҳаракатҳои экстремистиву террористӣ, савдои одамон, масъулияти падару модар дар тарбияи кӯдак, муҳоҷирати бехатар, пешгирии бегонапарстӣ ва пос доштани фарҳанги аҷдодии миллӣ ва дигар масъалаҳои мубрам байни сокинон баргузор гардид.
Қайд карда шуд, ки ҳар як инсони боимону оқил бояд ифтихор намояд, ки дар тӯли солҳои Истиқлоли давлатии Ҷумҳурии Тоҷикистон бо сарварии Пешвои миллат чи қадар дигаргуниҳои куллӣ дар бобатӣ ба эътидол овардани вазъи сиёсию иқтисодии мамлакат, дарёфт намудани роҳи рушди босуботи иқтисодию иҷтимоии кишвар ва дар ин асосос баланд бардоштани сатҳи зиндагии мардум ба амал омадааст. Ҳарчанд, ки роҳи тайнамудаи кишварамон дар ҷодаи ваҳдату якпорчагӣ ҳамвору яксон набуд, вале мардуми шарафманди мо ба хотири таҳкими пояҳои давлатдории миллӣ, ҳифзи марзу буми аҷдодӣ, сарҷамъии миллат, густариши фазои сулҳу оромӣ ва тақвияти худшиносии миллӣ саъю талошҳои бесобиқа анҷом додаанд ва итминони комил дорем, ки наслҳои оянда аз онҳо ҳамчун намунаи ватандориву ватандӯстӣ ёд хоҳанд кард.
Ҳар як фарди бонангу номус ва худогоҳи ҷомеъа бояд ҳамеша дар хотир дошта бошад, ки танҳо истиқлолияту озодӣ, омили муҳимтарини пойдории давлат ва бақои миллат мебошад ва вазифаи ҳамаи мост, ки ба хотири ҳифзу тақвияти ин муқаддасоти миллӣ пайгирона кӯшиш намоем.
Чунин як чорабинии иттилоотӣ бо ибтикори кормандони шуъбаи Хадамоти муҳоҷират дар шаҳри Панҷакент низ гузаронида шуд.
Раёсати Хадамоти муҳоҷират дар вилояти Суғд
