Бахши Хадамоти муҳоҷирати дар ноҳияи Айнӣ дар самти фаъолияти худ пешгири аз ҳизбу ҳаракатҳои ифротӣ, шомилшавӣ ба ҳар гуна ҳизбу ҳаракатҳои гуногун, дар ин самт корҳои иттилоотиву фаҳмондадиҳиро ба роҳ монда истодааст.
Маврид ба зикр аст, ки 1 июни соли 2021, №187 Фармони Президенти Ҷумҳурии Тоҷикистон дар бораи «Стратегияи муқовимат ба экстремизм ва терроризм дар Ҷумҳурии Тоҷикистон барои солҳои 2021-2025» ва дар ин замина фармоиши Сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон аз 9 феврали соли 2023, №21 қабул гардиданд, ки тамоми сохторҳои зертобеи Хадамотро баҳри иҷрои он муваззаф намудааст.
Чунончӣ дар заминаи Фармонҳои болозикр Раёсати Хадамоти муҳоҷират дар вилояти Суғд нақша чорабиниҳоро оид ба ташкил ва гузаронидани чорабиниҳои иттилоотӣ-маърифатӣ вобаста ба шомилшавии шаҳрвандон ба ҳизбу ҳаракатҳои ифротгаро, одамрабоӣ, истифодаи намудҳои бадтарини меҳнати кӯдак дар байни муҳоҷирони меҳнатиро таҳия намудааст, ки ҳар як бахшу шуъба мувофиқи ҷадвали тасдиқшуда дар ин самт корбари менамояд.
Бахши Хадамоти муҳоҷират дар ноҳияи Айнӣ дар толори Ҷамоати Айнӣ вохӯри вобаста ба масъалаҳои болозикр доир намуд.
Дар вохӯрӣ сармутахассиси бахши дин танзими анъана ва ҷашну маросим Махсумов Некрух, фаъолон, имомхатиби масҷиди маркази ноҳия, муҳоҷирони меҳнатии ба ватан баргашта ва кумитаи маҳаллаҳо иштирок намуданд.
Дар вохӯрӣ мудири бахши Хадамоти муҳоҷират дар ноҳия Ғайбуллоев Б., ба сухан баромада қайд намуд, ки имрӯзҳо ҷомеаи ҷаҳониро як навъи бесарусомоние фаро гирифтааст, ки ҳеҷ пеши роҳи он гирифта нашуда истодааст. Ин чист? Терроризм, экстремизм, ки ин вожаҳо ба ҳар яки мову Шумо шинос, терроризм – тарс даҳшат ва экстремизм – ҷудоихоҳи, фитнаангезӣ, ки ҳамаи инҳоро миллати тоҷик давоми солҳои 90-уми асри гузашта аз сар гузаронид ва набояд ин хатоиҳо такрор ёбад.
Дар рафти вохӯрӣ ба самъи ҳозирин расонида шуд, ки имрӯзҳо дар вазъияти ҳассоси ҷомеаи ҷаҳонӣ ҳар як нафарро мебояд, ки зиракии сиёсиро аз даст надода ҳушёриро ихтиёр намоянд.
Имрӯзҳо ки аз ҳар оила қариб дар муҳоҷирати меҳнатӣ қарор доранд ҳушёр бошанд дар ҷангҳое ки дар қаламрави кишварҳои хориҷа, аз ҷумла Украина гузашта истодааст аз сафарбаршави худдорӣ намоянд.
Набояд фаромуш кард, ки ҳар нафаре, ки аз ҳарду ҷониб ба хотири манфиати шахси дар ин ҷангҳо иштирок менамоянд ба ҷавобгарии ҷиноӣ кашида мешаванд.
Мо халқи тоҷик имрӯз бояд шукрона кунем, шукронаи тинҷӣ, Истиқлолияти комил, Ваҳдати миллӣ ва шукронаи Пешвои муаззаму маҳбуби миллат кунем, ки дар ватани мо сулҳу субот пойдор аст.
Ҳастанд бадхоҳони миллат, ки аз берун луқма партофта мехоҳанд ба сулҳу оромии кишварамон халал эҷод намоянд, вале онҳо муваффақ нахоҳанд шуд. Насли ҷавону қавииродаи тоҷик имрӯзҳо сиёҳро аз сафед ва хубро аз бад фарқ мекунанд ва он бадтинатони хоини Ватан наметавонанд онҳоро гумроҳ бисозанд.
Аз ҳар яки иштирокчии ин чорабинӣ, ки бевосита фаъолони ноҳия, роҳбарони ташкилоту муассисаҳо ҳастед насли наврасу ҷавонро дуруст тарбия намуда ҳисси ватандӯстиву ватанпарастиро дар ботини ҳар як ҷавон бедор созед, зеро ояндаи ин миллату давлат маҳз дар дасти ҷавонони бо ғайрату далери ин кишвар аст.
Бояд тазаккур дод, ки чунин як чорабинии маърифатӣ дар ноҳияи Ҷаббор Расулов бо иштироки муҳоҷирони меҳнатӣ ва аъзои оилаи онҳо низ гузаронида шуд.
Раёсати Хадамоти муҳоҷират дар вилояти Суғд
