Бо ташаббуси бахши Хадамоти муҳоҷират дар шаҳри Истаравшан дар байни аҳли ҷомеа, аз ҷумла муҳоҷирони меҳнатии бозгашта ва аъзои оилаи онҳо корҳои фаҳмондадиҳӣ доир ба пешгирӣ ва мубориза ба муқобили падидаҳои номатлуб ва хатарҳои ҷаҳони муосир пеш аз ҳама терроризму экстремизм, муҳоҷирати бехатар, мубориза бо бемориҳои сироятӣ, тарғибу ташвиқи тарзи ҳаёти солим, ҷалби ғайриқонунии шаҳрвандони кишвар ба давлатҳои хориҷа, коҳиш додани муҳоҷирати меҳнатии занон, ҷалби муҳоҷирони бозгашта ба НБО “Роғун”, вохӯрӣ доир намуда, якҷо бо иштироки намояндагони шуъбаҳои корҳои дохилӣ, Агентии меҳнат ва шуғли аҳолӣ, ҷавонон, занон, раисони ҷамоатҳо, маҳаллаҳо ва дигар сохторҳо баргузор гардид.
Мақсад аз баргузории вохӯрӣ ин расонидани нуктаҳои асосии Паёми навбатии Президенти Ҷумҳурии Тоҷикистон Пешвои миллат муҳтарам Эмомалӣ Раҳмон ба Маҷлиси Олии кишвар ва дар ин замина таъмини тозагиву озодагии иншооту биноҳо, ташкилоту муассисаҳо, кӯчаву маҳаллаҳо, манзили истиқоматии ҳар як оила дар деҳот бо мақсади сазовор таҷлил намудани ҷашни 35-солагии Истиқлоли давлатии Ҷумҳурии Тоҷикистон, огоҳ намудани ҷавонон аз хатарҳои экстремизм ва терроризм, тақвият додани корҳои ободониву созандагӣ, истифодаи самараноки заминҳои наздиҳавлигӣ, пешгирии ҷудошавии оилаҳои ҷавон, пешгирии зӯроварӣ дар оила ва фарогирифтани занону духтарон ба курсҳои касбомӯзӣ, муҳоҷирати бехатар, риояи қонунҳои амалкунанда, ҷалби ҷавонон ба сафи Қувваҳои Мусаллаҳи Ҷумҳурии Тоҷикистон, пешгирии тамоюли бегонапарастӣ ва ҳаллу фасли масъалаҳои мубрами рӯз ҳисоб меравад.
Ҳамзамон, намояндаи бахши Хадамоти муҳоҷират ба иштирокдорон оид ба арзиши андози моҳонаи патент дар тамоми минтақаҳои Федератсияи Россия фаҳмонда шуд ва аз 1-сентябри соли 2025 дар минтақаи шаҳри Москваю вилояти Москва бо тавассути барномаи “Амина” худро ба қайди муҳоҷиратӣ гузоранд, пеш аз вуруд ба Федератсияи Россия ҳатман маълумот оид ба мақоми худро дар барномаи мобилии “RuID” санҷанд, аз хизматрасонии миёнаравонии ғайриқонунӣ худдорӣ намоянд, дар бораи қоидаи 90/365, аз 7-январи соли 2024 ҳар як шаҳрванди хориҷие, ки дар қаламрави Россия бо патент фаъолияти меҳнатиро анҷом медиҳад дар муддати 2 моҳ аз рӯзи гирифтани патент бояд огоҳномаи меҳнатӣ (трудовое уведомление) бо замимаи шартномаи меҳнатӣ, ба мақомоти минтақавии ВКД ФР, ки дар он ҷо патент гирифта буд пешниҳод намояд, инчунин барои муҳоҷирон имтиҳон барои тасдиқи дониши забони русӣ, асосҳои қонунгузорӣ ва таърихи Руссия ҳатмист. Ин барои гирифтани иҷозатномаи будубоши муваққатӣ (РВП), иҷозатномаи истиқоматӣ (ВНЖ), иҷозатномаи кор ё патент зарур аст.
Инчунин, зимни вохӯрӣ оид ба хатару таҳдидҳои замони муосир, пешгирӣ аз шомилшавӣ ба ҳизбу ҳаракатҳои иртиҷоӣ, гурӯҳҳои террористиву экстремистӣ, дӯст доштани фарҳанг, таърих ва арзишҳои фарҳангии халқи тоҷик, ҳифзи расму оин ва анъанаҳои миллӣ дар хориҷи кишвар, баланд бардоштани ҳисси ватандӯстӣ ва ифтихори миллӣ дар миёни шаҳрвандони Ҷумҳурии Тоҷикистон корҳои фаҳмондадиҳӣ, гузаронида шуданд.
Маркази матбуоти Хадамоти муҳоҷират
