Рӯзҳои 20-21 июни соли 2024 дар меҳмонхонаи «Руми»-и шаҳри Душанбе семинар дар мавзӯи «Рушди хазинаи беҳдошти муҳоҷирони кории тоҷик» баргузор гардид.
Дар семинар намояндагони вазорату идораҳои мамлакат иштирок доштанд.
Семинари мазкур аз ҷониби Маркази байналмилалии рушди сиёсати муҳоҷират (ICMPD) ташкил карда шуд.
Ҳадафи асосии семинар омӯзиши имкони таъсиси фонди ҳифзи иҷтимоии муҳоҷирони меҳнатӣ, таҳлил, иттилооти мухтасар ё тавсияи амалӣ оид ба таъсис ва фаъолияти фонди ҳифзи иҷтимоии муҳоҷирони меҳнатӣ дар Тоҷикистон, инчунин ба даст овардани тафоҳум байни ниҳодҳои давлатӣ ва ӯҳдадориҳои ояндаи ҷонибҳои манфиатдор барои таъсиси фонди амнияти иҷтимоӣ барои муҳоҷирони меҳнатӣ дар Тоҷикистон.
Дар кори семинар муовини якуми Сардори Хадамоти муҳоҷират Шарифзода Маҳмадсалим Пир иштирок ва баромад намуд.
Аз ҷумла, дар баромадашон қайд карданд, ки ҷиҳати такмил ва рушди низоми қонунгузории соҳаи муҳоҷират ва фароҳам овардани заминаи ҳуқуқию ташкилӣ аз ҷониби Хадамоти муҳоҷират дар ҳамбастагӣ бо Раёсати муҳоҷирати аҳолии Вазорат, лоиҳаи Стратегияи танзими равандҳои муҳоҷират дар Ҷумҳурии Тоҷикистон то соли 2040 дар асоси қарори Ҳукумати Ҷумҳурии Тоҷикистон аз 30 июни соли 2023, №309 тасдиқ гардид.
Стратегияи мазкур санади ягонаи меъёрӣ ҳуқуқӣ мебошад, зеро бори аввал дар амалия дар доираи як Стратегияи муҳоҷират ҳамаи намудҳои муҳоҷирати аҳолӣ, ки қонунӣ дар қаламрави як кишвар ба амал бароварда мешаванд, баррасӣ гардид.
Ҳамзамон ҷиҳати амалӣ гардидани Нақшаи амали солҳои 2023 – 2025, Стратегияи танзими равандҳои муҳоҷират дар Ҷумҳурии Тоҷикистон тибқи банди 41-и Нақшаи мазкур, ки таъсиси Фонди иҷтимоии дастгирии муҳоҷирони меҳнатӣ ва аъзои оилаи онҳоро ташкил намудан пешбинӣ намудааст, мавриди дастгирӣ ва саривақтӣ мебошад.
Аз ҷониби Хадамоти муҳоҷират аллакай кор дар ин самт оғоз гардидааст.
Хоҳишмандем, лоиҳаи таъсиси Фонди иҷтимоии дастгирии муҳоҷирони меҳнатӣ ва аъзои оилаи онҳоро барои мувофиқа намудан бо тамоми вазорату идораҳои дахлдори ҷумҳурӣ пешниҳод карда шавад.
Хадамоти муҳоҷират омодааст, ки дар ин самт ҳамкории зичро барои қабули Фонди мазкур бо ҳама возорату идораҳо, Созмонҳо ва ташкилотҳои хориҷӣ, ки дар Ҷумҳурии Тоҷикистон расман фаъолият менамоянд ба роҳ монад.
Дар фарҷом иштирокчиён ҷиҳати таҳияи асосноккунии техникӣ-иқтисодӣ, таҳлил, тадқиқот, баррасии адабиёт, мусоҳиба бо ҷонибҳои манфиатдор ва омодасозии ҳисоботҳои кориро баррасӣ намуданд.
Маркази матбуоти Хадамоти муҳоҷират
