Дар замони имрӯза дар рӯ ба рӯи ҷомеа мушкилоти зиёде қарор дорад, ки яке аз чунин масъалаи мубрам ин хатари террор ва нуфӯзи он мебошад, ки амнияти ҷомеаи ҷаҳониро халалдор карда истодааст.

Чуноне, ки асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид мекунанд, мо бояд сарҷамъона ба муқобили терроризм мубориза барем ва ба доми фиреби онҳо наафтем.

Пешвои миллат мафҳуми терроризмро хуб таҳлил намуда, қайд медоранд, ки террорист Ватан, миллат ва дин надорад.

Мақсади онҳо ҳеҷ вақт оромии ҷомеа нахоҳад буд.

Имрӯз яке аз масъалахои ҷиддие,ки ҷомеаи ҷаҳониро ба ташвиш овардааст, маҳз мушкилоти марбут ба терроризм ва экстремизм мебошад.
Терроризм ва экстремизм яке аз зуҳуроти номатлуб ба шумор рафта, дар замони муосир боиси ба миён омадани оқибатҳои нохуш ва расонидани зарари вазнин ба ҷомеаи ҷаҳонӣ гардидааст.

Тоҷикистон пас аз ба даст овардани истиқлолият худро давлати соҳибихтиёр, демократӣ, ҳуқуқбунёд, дунявӣ ва ягона эълон намуд ва қонунгузории худро барои маҳви терроризм ва экстремизм мустаҳкам кунонид.

Ҷумҳурии Тоҷикистон дар Конститутсияи худ волоияти қонунро ҷорӣ намуда, ҳуқуқу озодиҳои инсонро арзиши олӣ эътироф кард ва барои ҳифзи ҳуқуқҳои инсон ва амнияти давлатӣ аз хатари фаъолияти ташкилотҳои террористӣ ва экстремистӣ санадҳои заминавӣ қабул намуд.

Яке аз талаботҳои асоси қонунгузории Ҷумҳурии Тоҷикистон ин тартиботи ҳуқуқӣ мебошад, ки он боиси мустаҳкамии ҳокимияти давлатӣ ва мубориза бар зидди ифротгароӣ мебошад.
Имрӯз терроризм ва экстремизм бо амалҳои даҳшатбори худ ба мушкилии муҳимтарини вайронкунандаи ҳуқуқҳои инсон дар асри XXl табдил ёфтааст.

Худи шунидани калимаи терроризм ва террор дар дили мардум тарсу ваҳмро ба вуҷуд меорад.

Барои пешгирӣ аз хавфи ташкилотҳои террористӣ бояд фаъолияти тамоми сохторҳои давлативу ҷамъиятӣ ва санадҳои меъёриву ҳуқуқиро барои таъмини сулҳу субот, ҳаёти осоишта ва амнити кишвар равона созем.

Чуноне, ки Президенти кишвар муҳтарам Эмомалӣ Раҳмон дар Паёми худ ба Маҷлиси Олии Ҷумҳурии Тоҷикистон қайд карда буданд, имрӯз терроризм ва экстремизм ҳамчун вабои аср ба амнияти ҷаҳонӣ ва ҳар як сокини сайёра таҳдид карда, барои башарият хатари на камтар аз силоҳи ядроиро ба миён овардааст.

Роҳҳои мубориза бо терроризм ва кам кардани хатару оқибатҳои фалокатбори он танҳо ҳамон замоне сурат мегирад, ки ҷомеаи ҷаҳонӣ дар якҷоягӣ ба муқобили он мубориза баранд ва хусумату ҳадафҳои пасипардагии худро яксӯ гузошта, ба хотири сулҳи сартосарӣ талош намоянд.

Имрӯзҳо барои муқовимат бо терроризм аз ҷониби созмонҳои байналмилалӣ, аз ҷумла СММ санадҳои заминавӣ қабул карда шудааст.

Чунончи, 28 сентябри соли 2001 Шӯрои амният қатъномаро оид ба чорабиниҳои мубориза бо терроризм, бахусус барои қатъ кардани дастгирии молиявии фаъолияти террористӣ қабул кард.

Ҳамчунин меъёрҳои дохили давлатӣ барои маҳв ва муқовимат бо терроризм нақши басо бузург дорад.

Ҷумҳурии Тоҷикистон як қатор санадҳои меъёрӣ -ҳуқуқиро дар ин самт кабул намудааст.

Ҳамаи ин хатари рӯзафзунро дарк намуда, моро мебояд пеш аз ҳама дар худ ҳисси ватандӯстиро тарбия намоем.

Зеро сарчашмаи ҳама гуна фидокорӣ ин муҳаббат ва садоқати самимӣ ба шумор меравад.

Дӯст доштани Ватан моро ба мубориза ба хатарҳои эҳтимолӣ ба амнияти Тоҷикистони азиз водор месозад.

Зарипов Раҳматулло,
мутахассиси пешбари бахши Хадамоти муҳоҷират дар шаҳри Бохтар