Тибқи супориши Сардори Хадамоти муҳоҷират кормандони масъули Хадамоти муҳоҷират ва зерсохторҳои он вобаста ба вазъи омаду рафти муҳоҷирони меҳнатӣ ба Федератсияи Россия дар фурудгоҳҳо, истгоҳи роҳи оҳан ва нақлиёти мусофирбар корҳои иттилоотӣ – маърифатиро роҳандозӣ намуда, ба шаҳрвандон тавсияҳои муфид медиҳанд. Чунин як вохӯрии судманд дар “Фурудгоҳи байналмилалии шаҳри Душанбе” бо иштироки бевоситаи муовини якуми Сардори Хадамоти муҳоҷират Шарифзода Маҳмадсалим Пир баргузор гардид.
Дар рафти суҳбат бо шаҳрвандон-муҳоҷирони меҳнатӣ муовини якуми Сардори Хадамоти муҳоҷират тавсия дод, ки аз сабаби пурзӯр шудани назорат ҳангоми вуруди шаҳрвандони хориҷӣ аз сарҳади Россия тариқи гузаргоҳҳои заминӣ ва ҳавоӣ рабт додааст, худдорӣ намоянд. Чунин, тавсияро Сафорати Ҷумҳурии Тоҷикистон дар Федератсияи Россия тавассути сомонаи расмии худ пахш намуд.
Ҳангоми суҳбат бо шаҳрвандон доир ба тағйиру иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, гирифтани Патент, тартиб додани шартномаи меҳнатӣ, танҳо бо шиносномаи хориҷӣ ворид шудан ба қаламрави кишвари Россия суханронӣ намуд.
Ҳамзамон оид ба пешгирии шомилшавии ҷавонон, хусусан муҳоҷирони меҳнатӣ ба гурӯҳҳои террористию экстремистӣ суҳбат намуда дастуру маслиҳатҳои муфид доданд.
Аз ҷумла, огоҳ карда шуд, ки гурӯҳҳои террористию экстремистӣ ба ҳар роҳ шомилшавӣ ба сафҳояшонро талош менамоянд, ба хусус бо фиристодани паёмакҳои телефонӣ, саҳифаҳои иҷтимоӣ – интернетӣ (одноклассники, фейсбук, вайбер ва дигар роҳу усулҳо).
Аз ин хотир ба паёмаку даъватҳои ношинос ва шубҳаовар ҷавоб надода ба расму видеоҳои хусусияти даъватию таблиғотӣ доштаи ин гурўҳҳо лайк нагузоред ва дар чунин ҳолатҳо кушиш накунед, ки мушкилоти худро ба танҳои ҳал намоед, балки ба воситаи Сафорату Консулгариҳои Ҷумҳурии Тоҷикистон ва Намояндагии Вазорати меҳнат, муҳоҷират ва шуғли аҳолии Ҷумҳурии Тоҷикистон дар Федератсияи Россия оид ба муҳоҷират муроҷиат намоянд.
Ҳамзамон даъват ба амал оварда шуд, ки дар давлати бегона эҳтиёткориро аз даст надода, фарҳангу тамаддуни миллати хешро ҳифз намуда, қонунҳои буду боши муҳоҷирати меҳнатиро риоя намоянд.
Маркази матуботи Хадамоти муҳоҷират
