Тибқи ҷадвали тасдиқгардида аз ҳисоби масъулини Раёсати Хадамоти муҳоҷират дар вилояти Суғд вобаста ба вазъи омаду рафти муҳоҷирони меҳнатӣ ба Федератсияи Россия дар “Истгохи роҳи оҳани Хуҷанд” бо шаҳрвандони ҷумҳурӣ муҳоҷирони меҳнатӣ, ки ба самти шаҳри Волгогради Федератсияи Россия сафар менамуданд, корҳои иттилоотӣ-маърифатӣ баргузор намуданд.

Дар рафти суҳбат бо шаҳрвандон тавсия дода шуд, ки айни замон бе ягон зарурият аз сафар ба Федератсияи Россия муваққатан худдорӣ намоянд.

Сабаби тавсияи худдорӣ аз сафар ба ин кишварро ба пурзӯр шудани назорат ҳангоми вуруди шаҳрвандони хориҷӣ аз сарҳади кишвари Россия тариқи гузаргоҳҳои заминӣ ва ҳавоӣ рабт доданд.

Ҳамзамон дар вохӯрӣ бо шаҳрвандон  – муҳоҷирони меҳнатӣ, доир ба тағйиру иловаҳо ба қонунгузории Федератсияи Россия дар самти муҳоҷирати меҳнатӣ, ҷиҳати будубоши шаҳрвандони Ҷумҳурии Тоҷикистон дар давлати номбурда, омодагӣ  пеш аз сафар, бақайдгирӣ, ҳуҷҷатгузорӣ дар ин кишвар, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин давлат (тарзи супоридани имтиҳонҳо), доштани касби мувофиқ ва  ҳуҷҷати тасдиқкунандаи он, корти  муҳоҷирӣ, дар қайди муҳоҷирӣ истодан, гирифтани Патент, тартиб додани шартномаи меҳнатӣ, танҳо бо шиносномаи хориҷӣ ворид шудан, суханронӣ намуданд.

Инчунин, ба шаҳрвандон дар бораи шомил нашудан ба ҳизбу ҳаракатҳои ифротгароӣ, экстремизм ва терроризм ва муқовимат ба савдои одамон ва расонидани кумак ба қурбониёни савдои одамон суҳбатҳо намуда ба ҳар яки онҳо дастурамали мухтасар оиди муҳоҷирати меҳнатӣ буклетҳо, варақаҳои иттилоотӣ-маърифатӣ тақсим карда шуд.

Раёсати Хадамоти муҳоҷират дар вилояти Суғд