Дар асоси нақшаи муштараки сохторҳои дахлдори Мақомоти иҷроияи маҳаллии ҳокимияти давлатии ноҳияи Балҷувон дар самти тақвият бахшидани корҳои фаҳмондадиҳӣ бо сокинони деҳаю маҳаллаҳои ноҳия бо ҷалби фаъолон мулоқот доир карда шуд.
Ҷойи зикр аст, ки дар мулоқот дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон, ки дар Анҷумани ХV ҲХДТ санаи 18 декабри соли 2024 ва зимни ироаи Паёми навбатӣ ба Маҷлиси Олии Ҷумҳурии Тоҷикистон, санаи 28 декабри соли 2024 баён доштанд, дар меҳвари андеша қарор доштанд.
Зимни баргузории мулоқот табиист, ки мақсади ташкили мулоқот пеш аз ҳама беҳтар намудани корҳои фаҳмондадиҳӣ, баланд бардоштани маърифати ҳуқуқии шаҳрвандон ва ҳисси миллӣ, худшиносию ватанпарастии наврасону ҷавонон, пешгирии шомилшавии ҷавонон ба ҳизбу ҳаракатҳои ифротӣ, аз ҷумла муқовимат ба экстремизм ва терроризм, амалҳои коррупсионӣ, майзадагӣ, нашъамандӣ, никоҳи бармаҳал, ҷудошавии оилаҳои ҷавон, инчунин оид ба масъалаи даъвати ҷавонон ба сафи Қувваҳои Мусаллаҳи кишвар, эҳтиром ба фарҳанг ва сару либоси миллӣ, таъмини фазои одобу ахлоқи ҳамида дар ҷомеа, ифтихори ватандорӣ, моҳияти истиқлолу озодӣ, моҳияти Истиқлоли давлатӣ, ҷойгоҳи бузурги Истиқлоли давлатӣ дар сарнавишти миллати тоҷик, зарурати ҳифзи Истиқлоли давлатӣ ва марзу буми кишвар, аҳамияти дастовардҳои беназири мамлакат дар солҳои соҳибистиқлолӣ, ташаббусҳои сатҳи байналмилалии Тоҷикистон ва дигар масъалаҳои марбут ба истиқлолу озодӣ таваҷҷуҳи хоса зоҳир карда шуд.
Дар идомаи суханронӣ гуфта шуд, ки баланд бардоштани тафаккури сиёсии шаҳрвандон, баланд бардоштани эҳсоси масъулияти давлатсозии шаҳрвандон, таҳлили нуктаҳои асосии Паём, ҳифзи истиқлоли давлатӣ ва таҳкими ягонагии миллат, афзалиятҳои кор дар замин, истифодаи оқилона ва бомақсади заминҳои кишоварзӣ, таъмини амнияти озуқаворӣ, фаҳмонидани маънии аслии дин ба насли наврас, пешгирӣ аз таълимоти ғайрирасмии динӣ, ҳамкории мактабу оила ва ҷомеа дар самти камолоти маънавии насли наврас, бунёди муассисаҳои таълимии томактабӣ, мустаҳкам кардани заминаи моддию таълимии муассисаҳои таълимӣ, нақши занону бонувон дар рушди ҳунарҳои мардумӣ ва тарбияи хонаводагӣ, ҷалби мардум ба корҳои хайру савоб, баланд бардоштани маърифати ҳуқуқии шаҳрвандон, риояи ҳатмии Қонунҳои амалкунандаи Ҷумҳурии Тоҷикистон, махсусан қонунҳои Ҷумҳурии Тоҷикистон «Дар бораи масъулият барои таълиму тарбияи кӯдак» ва «Дар бораи танзими ҷашну маросим дар Ҷумҳурии Тоҷикистон» ба касбомӯзӣ фаро гирифтани занону духтарони хонашин, муҳоҷирати бехатар, ҷалби ҷавонон ба варзиш муҳимтарин масъалаҳои замони имрӯз буда, ҷорӣ кардани ин ҳама дар ҳаёту зиндагӣ гарави зиндагии шоиста ва ҳаёти хурраму обод буда метавонанд.
Дар хотимаи мулоқот ба саволу дархостҳои иштирокдорон посухҳои қонеъкунанда дода шуданд.Мулоқоту вохӯриҳо дар ин самт идома доранд.
Раёсати Хадамоти муҳоҷират дар вилояти Хатлон
