Паёми Асосгузори сулҳу ваҳдати миллӣ-Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар заминаи ғояҳои баландпояи пурмазмун асос ёфта, ҷомеаро ба кору фаъолияти пурмаҳсул ҳидоят мекунад.
Аз рӯи анъана Паёми навбатии Сарвари давлат – чун паёмҳои пешин тамоми ҷабҳаҳои ҷомеаро фаро гирифта, вазифаҳои дарпешистодаро аниқ ва бо пуррагӣ мураттаб сохта, дурнамои кишварро муайян месозад.
Паём ҳидоятгари мо ба сӯи ояндаи дурахшон аст. Боиси таъкид аст, ки дар Паёми навбатӣ Раисиҷумҳур дар бораи пешравиҳои соҳаҳои афзалиятнок, махсусан оид ба расидан ба ҳадафҳои стратегии кишвар. Чуноне, ки таъкид намуда шуд: аз моҳи майи соли 2027 Тоҷикистон ба истиқлолияти энергетикӣ ноил мегардад ва махсусан дар доираи амнияти озуқаворӣ, бо ибиткори Пешвои муаззами миллат Барномаи амнияти озуқаворӣ барои панҷ соли оянда пешниҳод гаштааст. Доир ба саноатикунонии босуръат, ироа гардид, ки танҳо дар соли 2024 740 коргоҳу корхонаҳои нави истеҳсолӣ бунёд карда шуданд.
Бо мақсади боз ҳам беҳтар намудани сатҳи некуаҳволии мардуми кишвар ва тақвият бахшидани ҳифзи иҷтимоии аҳолӣ аз ҷониби Савари давлат ба мақомоту сохторҳои марбутаи давлатӣ супориш дода шуд, ки аз 1 сентябри соли 2025 маоши вазифавии кормандони муассисаҳои томактабӣ ва таҳсилоти миёнаи умумии соҳаи маориф 30 фоиз, кормандони дигар муассисаҳои соҳаи маориф, соҳаҳои илм, фарҳанг, варзиш, тандурустӣ, муассисаҳои соҳаи ҳифзи иҷтимоӣ, мақомоти ҳокимият ва идоракунии давлатӣ ва дигар муассисаҳои буҷетӣ, инчунин стипендияҳо 20 фоиз, музди мезнати амалкунандаи кормандони мақомоти ҳифзи ҳуқуқ, хизматчиёни ҳарбӣ ва дигар кормандони ин мақомот 20 фоиз зиёд карда шаванд. Ҳадди ақалли музди меҳнат барои тамоми соҳаҳои иҷтисодиву иҷтимоӣ ба андозаи 1000 сомонӣ дар як моҳ муқаррар карда шуд.
Бо ташаббусу тадбирҳои андешидаи давлату Ҳукумат таҳти роҳбарии Пешвои миллат дар панҷ соли охир даромади пулии аҳолӣ аз 48 миллиард сомонӣ ба 147 миллиард сомонӣ, яъне 3 баробар, музди миёнаи меҳнат беш аз 1,8 баробар ва андозаи миёнаи нафақа 1,5 баробар афзоиш ёфта, маоши вазифавии кормандони соҳаҳои буҷетӣ чор маротиба (солҳои 2020, 2022, 2023, 2024) ва дар маҷмуъ, ба андозаи 100 фоиз зиёд карда шуд.
Тавре Сарвари давлат қайд намуданд, Ҳукумати мамлакат пайваста ҷиҳати фароҳам овардани шароити мусоид барои пешбурди фаъолияти соҳибкорӣ тадбирҳои мушаххас андешида истодааст. Ин имкон дод, ки шумораи мақомоти санҷиш аз 31 то ба 23 ва санҷиши фаъолияти субъектҳои хоҷагидор аз 300 ҳазори соли 2016 то 41 ҳазор дар соли 2024-ум кам карда шавад.
Рушди соҳаи саноат дар Паём мавқеи меҳварӣ дошта, дар доираи ҳадафи стратегӣ оид ба саноатикунонии босуръат дар панҷ соли охир ҳаҷми маҷмуи маҳсулоти соҳа аз 27 миллиард ба 53 миллиард сомонӣ расонида шудааст, ки қариб ду баробар зиёд мебошад. Дар ин давра дар мамлакат беш аз 2040 корхонаи саноатӣ ва 74 ҳазор ҷойи корӣ таъсис дода шуданд.
Кишвари мо дар ҷодаи гузариш ба рақамикунонии соҳаҳои иқтисоди миллӣ таъмин намудани шаффофияти муносибатҳои иқтисодиву молиявӣ қадамҳои устувор гузошта, ҷиҳати вусъат бахшидан ба равандҳои инноватсионӣ ва истифодаи ҳамаҷонибаи имкониятҳои технологияҳои рақамӣ дар иқтисодиёт ва дигар соҳаҳои ҳаёти ҷомеа аз ҷониби Президенти кишвар дар Паёми навбатӣ пешниҳод гардид, ки солҳои 2025-2030 “Солҳои рушди иқтисоди рақамӣ ва инноватсия” эълон карда шаванд.
Паёми навбатии Президенти Ҷумҳурии Тоҷикистон, Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон “Дар бораи самтҳои асосии сиёсати дохилӣ ва хориҷии ҷумҳурӣ” қутбнамои равшан барои расидан ба ҳадафҳои созанда дар самти пешрафти иқтисодиёти миллӣ, дар ин замина ободониву шукуфоии кишвар ва некӯаҳволии мардуми шарифи Тоҷикистон азиз мебошад.
Султонова Роҳила,
Мутахассиси пешбари Раёсати муҳоҷирати дохилӣ ва экологӣ
