Паёми Президенти мамлакат ба Маҷлиси Олии Ҷумҳурии Тоҷикистон ба сифати ҳуҷҷати муҳиме, ки дурнамои рушду инкишофи сиёсию иқтисодӣ ва иҷтимоию фарҳангии кишварро муайян месозад, боиси дастгирӣ ва омӯзиши пайвастаи ҷомеаи кишвар гардидааст.
Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон зимни ироаи Паёми навбатӣ ҳамаи самтҳои соҳаҳои иқтисодиву иҷтимоии кишварро мавриди таҳлилу баррасӣ қарор дода, барои рушди минбаъдаи ҳадафҳои стратегии давлат ва Ҳукумати Ҷумҳурии Тоҷикистон дастуру супоришҳои мушаххас доданд. Мардуми сарбаланди кишвар дастуру супоришҳои Пешвои муаззами миллат мӯҳтарам Эмомалӣ Раҳмонро бо садоқат, муҳаббат ва иродаи беназир роҳнамои фаъолияти хеш қарор дода, барои истиқболи сазовори ҷашни муқаддаси миллӣ – 35-солагии Истиқлоли давлатии Ҷумҳурии Тоҷикистон аҳлона меҳнат менамоянд.
Президенти мамлакат, Раиси муаззами Ҳизби Халқии Демократии Тоҷикистон, Пешвои миллат муҳтарам Эмомалӣ Раҳмон зимни ироаи Паём ба мақоми олии қонунгузории мамлакат вобаста ба таҳким бахшидани пайванди илм бо истеҳсолот, хусусан дар соҳаҳои кишоварзӣ, саноат, савдо ва сохтмону сайёҳӣ, рушди иқтисоди рақамӣ, истифодаи бошууронаи зеҳни сунъӣ дастуру супоришҳои мушаххас доданд, ки ин ҳама рушди иқтисоди миллиро таъмин менамоянд.
Бояд тазаккур дод, ки таъмини зиндагии шоистаи мардум аз ҳадафҳои олии сиёсати давлату Ҳукумати мамлакат буда, бо дастуру ҳидоятҳои ояндасози Пешвои муаззами миллат муҳтарам Эмомалӣ Раҳмон соли 2024 ҳаҷми маҷмуи маҳсулоти дохилии кишвар ба беш аз 150 миллиард сомонӣ расонида шуда, суръати рушди воқеии он 8,4 фоизро ташкил дод. Дар панҷ соли охир суръати рушди иқтисоди миллӣ ба ҳисоби миёна ба 7,7 фоиз таъмин гардида, барои рушди иқтисодиву иҷтимоии мамлакат ва амалисозии лоиҳаҳои афзалиятноки сармоягузории давлатӣ аз ҳисоби буҷети давлат ва сармояи дохиливу хориҷӣ зиёда аз 197 миллиард сомонӣ равона карда шуд. Ҳамзамон вобаста ба пешгирии падидаҳои номатлуби ҷомеа, таъсири гурӯҳҳои тундрав ба пешрафти мамлакатро таҳлил ва муқоиса намуд.
Имрӯз, дастуру ҳидоятҳои Сарвари давлат роҳнамои зиндагии шоиста буда, ҳар яки моро водор месозад, ки ҷиҳати таҳкими Истиқлоли давлатӣ, ваҳдату худшиносии миллӣ, ҳисси ватандўстиву ватанпарастӣ, таъмини сулҳу оромӣ ва рушди босуботи ҷомеа тамоми неруи худро сафарбар намоем.
Шоиброҳимзода Ҳабиба,
Сармутахассиси Раёсати муҳоҷирати меҳнатӣ Хадамоти муҳоҷират
