Бо ибтикори Вазорати меҳнат, муҳоҷират ва шуғли аҳолии Ҷумҳурии Тоҷикистон, Ассотсиатсияи миллии мактабҳои кори иҷтимоии Тоҷикистон, намояндагии GIZ дар Ҷумҳурии Тоҷикистон таи як ҳафта дар маҷмааи «Диёри Душанбе» семинари омӯзишӣ дар мавзӯӣ бозҳамгироии меҳнатӣ (бо унсурҳои бозравонӣ ва кейс-менеҷмент) ба муҳоҷирони меҳнатии бозгашта, занҳои танҳомондаи муҳоҷирони меҳнатӣ ва дигар қишри аҳолии аз муҳоҷирати меҳнатӣ осебдида гузаронида шуд.
Дар кори семинари омӯзишӣ кормандони дастгоҳи марказии Хадамоти муҳоҷират, раёсати Хадамоти муҳоҷират дар шаҳри Душанбе, кормандони шуъба ва бахшҳои Хадамоти муҳоҷират дар шаҳрҳои Турсунзода, Ҳисор, Ваҳдат, ноҳияи Рӯдакӣ, Агентии меҳнат ва шуғли аҳолии шаҳри Душанбе ва ноҳияҳои болозикр инчунин Муассисаи давлатии «Маркази таълими калонсолони Тоҷикистон» иштирок намуданд.
Давоми як ҳафта иштирокчиёни семинари омӯзишӣ аз устодон Ашуров Субҳон ва Раҳматуллоев Нурулло мавзӯъҳои бозҳамгироӣ ба бозори миллии меҳнат, мафҳумҳои асосӣ, таҳлили вазъи бозори меҳнат, омодагӣ барои кор, усулҳои ҷустуҷӯи кор, эҳтиёҷоти махсуси бозҳамгироии намояндагони гурӯҳҳои ҳадафии (а) муҳоҷирони меҳнатии базгашта ва (б) занҳои танҳомондаи муҳоҷирони меҳнатӣ, хизматрасониҳои давлатии мусоидат ба шуғли аҳолӣ, машварати иҷтимоӣ барои бозҳамгироӣ, машварат оид ба масъалаҳои муҳоҷират ва шуғли меҳнатӣ, равонасозӣ бо мақсадҳои бозҳамгироӣ моҳият ва намудҳо, шабакаи хадамотии равонасозӣ, кейс-менеҷмент дар раванди бозҳамгироии меҳнатӣ моҳият ва моҳияти кейс-менеҷмент ва дигар масъалаҳои муҳими кор бо муҳоҷирони меҳнатии базгашта ва занҳои танҳомондаи муҳоҷирони меҳнатӣ дарбар гирифтаро аз худ намуданд.
Масъалаи мазкур дар кори ҳамарӯзаи кормандони Хадамоти муҳоҷират ва шуғли аҳолӣ зарурият дошта, он имконият медиҳад, ки минбаъд кор дар самти қабули муҳоҷирони меҳнатӣ дуруст бароҳ монда шавад.
Аз ҷониби иштирокчиёни семинари омӯзишӣ таклиф шуд, ки чунин семинар бо дигар кормандони соҳаи муҳоҷират ва шуғли аҳолӣ низ гузаронида шавад.
Давлатов Маҳмуд, мутахассиси пешбари
раёсати Хадамоти муҳоҷиратдар шаҳри Душанбе
