Тибқи нақшаи муштараки сохторҳои дахлдори Мақомоти иҷроияи ҳокимияти давлатии шаҳри Конибодом бо иштироки гурӯҳи тарғиботӣ дар ҳайати мудири бахши Хадамоти муҳоҷират – Фарзона Толибова, директори Ташаккули тарзи ҳаёти солим – Тахмина Қубронова, директори маркази ВНМО – Каримҷон Болтаев, сармутахассисони шуъбаи кор бо занон ва оилаи Мақомоти иҷроияи ҳокимияти давлатии шаҳр – Наргис Исмоилова ва шуъбаи маорифи шаҳр – Башорат Исроилова дар маҷлисгоҳи коллеҷи тиббии шаҳри Конибодом бо омӯзгорон ва донишҷӯён баҳри пешгирии бемориҳои сироятии ВНМО/БПНМ, бемории сил, гепатит В, муҳоҷирати бехатар, пешгирии терроризму экстремизм, тарзи дуруст истифода намудани шабакаҳои иҷтимоӣ, пешгирии ҷудошавии оилаҳои ҷавон ва дигар масъалаҳои мубрами рӯз, суҳбат намуданд.
Дар назди иштирокчиён мудири бахши Хадамоти муҳоҷират дар шаҳр – Фарзона Толибова баромад намуда, ба ҳозирин доир ба тағйироту иловаҳо ба қонунгузории Федератсияи Россия дар самти муҳоҷирати меҳнатӣ, будубоши шаҳрвандони Ҷумҳурии Тоҷикистон дар давлати номбурда, омодагӣ пеш аз сафар, бақайдгирӣ, ҳуҷҷатгузорӣ дар Федератсияи Россия, пешниҳоди Сертификат оид ба донистани забони русӣ, таъриху тамаддун ва асосҳои қонунгузории ин кишвар (тарзи супоридани имтиҳонҳо), доштани касби мувофиқ ва ҳуҷҷати тасдиқкунандаи он, корти муҳоҷирӣ, дар қайди муҳоҷирӣ истодан, гирифтани Патент, тартиби дар қайди ҷойи истиқомат гузоштани шаҳрвандони хориҷа, тарзи бастани шартномаи меҳнатӣ, ҳуқуқ ва уҳдадориҳои корфармо ва коргар фаҳмонида шуд.
Аз ҷумла, қайд карданд, ки дар ҳолати зарур набудан ба қаламрави Федератсияи Россия сафар накунанд, инчунин доир ба истифодаи дурусти шабакаҳои иҷтимоӣ якчанд дастур доданд, ки тариқи телефонҳои мобилӣ низ ба гурӯҳҳое, ки оиди дуруст ё нодуруст буданаш маълумот надоранд шинос нашаванд ва фирефтаи нафарони бадхоҳ ва душманони миллат нагарданд.
Сармутахассиси шуъбаи кор бо занон ва оилаи назди Мақомоти иҷроияи ҳокимияти давлатии шаҳр – Исмоилова Наргис оид ба ҷудошавии оилаҳои ҷавонон, оилаву оиладорӣ ва иштироки фаъолона дар ободонии маҳалла, кам намудани сатҳи камбизоатии аҳолӣ суханронӣ намуд.
Болтаев Каримҷон вобаста ба пешгирии бемориҳои сироятии ВНМО/БПНМ, сил, нашъамандӣ дар назди иштирокдорон баромад намуд.
Ҳамзамон, баромадкунандагон вобаста ба самтҳои фаъолияташон, аз ҷумла омилу сабабҳои ҷудошавии оилаҳои ҷавонон, пешгирии ҷинояткории занон, тайғироту илова ба қонуни Ҷумҳурии Тоҷикистон “Дар бораи танзиму анъана ва ҷашну маросим дар Ҷумҳурии Тоҷикистон» таҳлилу андешаҳои судманд намуданд.
Раёсати Хадамоти муҳоҷират дар вилояти Суғд
